Aktualitet

Tentuan të çonin prostitutë në Francë një 26-vjeçare, pranga polices së Rinasit dhe 2 personave të tjerë

28 Qershor 2019, 09:53 Nga DOSJA
Tentuan të çonin prostitutë në Francë një

TIRANE- Shërbimi i Cështjeve të Brendshme dhe Ankesave ka arrestuar 2 persona dhe një police të komisariatit në Rinas.

Një person është shpallur në kërkim pasi akuzohet se po priste një 26-vjeçare, të cilën e kishte mashtruar dhe kërkonte ta shfrytëzonte si prostitutë në Francë. Dy të arrestuarit kanë qenë edhe më heët të skeduar nga Policia për disa vepra penale.

Policja e Rinasit, F.K, 30 vjeçe, akuzohet se ka marrë ryshfet për të lejuar kalimin e 26-vjeçares. Ky është rasti i dytë brenda 48 orëve që prangoset një efektiv policie. Një agjent i Krimeve u arrestua në Tiranë, pasi ishte përfshirë në trafik kokaine.

Njoftimi i policisë:

Finalizohet Operacioni “TRANZIT”.

Operacioni nga Seksioni Kundër Trafiqeve të Paligjshme në DVP Tiranë, Komisariati i Policisë Kufitare Rinas në bashkëpunim me SH.Ç.B.A.

Goditet një rast i tentativës për trafikim të qenieve njerëzore me qëllim shfrytëzimi për prostitucion.

Në pranga dy shtetas, si dhe një punonjëse e Policisë Kufitare Rinas.

Shpallet në kërkim shtetasi që do të priste shtetasen e mashtruar për ta shfrytëzuar për prostitucion në Francë.

Seksioni për Hetimin e Trafiqeve të Paligjshme në Drejtorinë Vendore të Policisë Tiranë, në bashkëpunim me Komisariatin e Policisë Kufitare Rinas në bazë të informacioneve të siguruara në rrugë operative nga burime të ndryshme, finalizoi me sukses operacionin e koduar “TRANZIT”, ku u bë e mundur arrestimi i shtetasve :

– A.K.,29 vjeç, lindur dhe banues në Elbasan, i dënuar më parë për veprën penale “Prodhim dhe shitje të lëndëve narkotike”.
– A. Ç., 26 vjeç, lindur dhe banues në Librazhd.

Këta shtetas në bashkëpunim me njëri-tjetrin në Pikën e Kalimit Kufitar Rinas kanë tentuar të trafikojnë drejt Francës me qëllim shfrytëzimi për prostitucion një shtetase 26-vjeçare, të cilën do ta priste në Francë shtetasi K. B., 33 vjeç, pasi ky shtetas dyshohet se do të shfrytëzonte për prostitucion.

Shtetasi K.B, është shpallur në kërkim dhe në bashkëpunim me Policinë Franceze po punohet për kapjen e tij.

Po në kuadër të këtij operacioni në bashkëpunim me Shërbimin për Çështjet e Brendshme dhe Ankesat Tiranë u bë arrestimi në flagrancë edhe i shtetases F. K., 30 vjeçe, me detyrë kontrollore pranë Komisariatit të Policisë Kufitare Rinas Tiranë.

Kjo shtetase dyshohet se me veprimet e saj kundrejt ryshfetit dyshohet të ketë ndihmuar dhe lehtësuar procedurat e kalimit deri në zonën tranzit të Rinasit për shtetasen 26-vjeçare.

Materialet procedurale do ti kalojnë Prokurorisë pranë Gjykatës së Shkallës së Parë për krimet e Rënda Tiranë, për veprime të mëtejshme hetimore për veprën penale të “Trafikim i personave”,”Shfrytëzimit të prostitucionit”,“Korrupsionit aktiv të personave që ushtrojnë funksione publike” dhe “Korrupsionit pasiv të personave që ushtrojnë funksione publike”.

(F.g/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet arrestohet policja operacioni tranzit arrestohet policja operacioni tranzit

Sondazh

Poll

MË SHUMË