Insights

Drejtuesit ‘out’ papërgjegjshmëri apo nevojë?!

30 Dhjetor 2021, 12:59 Nga DOSJA

Drejtuesit ‘out’ papërgjegjshmëri apo nevojë?!

Nga Fitnete Gruda

TIRANË – Nuk inspiron as gëzon, veç trishton, deklerata e kryeministrit Rama, për drejtimin, në mbi 8 vite, e një pjese jo të vogël të shkollave në vendin tonë, nga drejtues “out”. Kjo për faktin se këto terma etiketimi janë të rënda, marrë jo në rrafshin personal të tyre – si cilësi individi (edhe kështu vlen ta marrësh), por në rrafshin e sferës (arsimi ) ku kanë operuar këta drejtues “out”, dëmit që i kanë sjell arsimit dhe aktorëve në arsim.Kryeministri harroi se drejtues “out’ të komanduar ka patur Tirana në Zyrën vendore Arsimore dhe jo vetëm. Ishte pranim realiteti ky prononcim i kryeministrit, apo strategji për të dhënë imazhin se po hapet një faqe e re qeverisje kjo mbetet për tu parë. Por, sido që të jetë nuk mund të ndërtohet një faqe e re, mbi gërmallat e të shkuares 8 – vjeçare, pa pastruar rrenjësisht këto gërmalla që do të thotë edhe pa marrë sejcili përgjegjësi. Çështja nuk shtrohet nëse ka të drejtë kryeministri, kjo as që diskutohet, por sa seriozisht është marrë kjo problematikë dhe pse pikerisht tani u pranuar ky fakt (!!)

Tani që kanë kaluar dy mandate qeverisje dhe jemi futur në të tretin, kur për këtë këtë kategori drejtuesish dhe shumë të tjera që shqetësojnë arsimin kanë folur e stërfolur vit pas viti, jo pak të interesuar për arsimin (le ti quajmë dhe kritikë ) – midis tyre dhe unë. Por ata – përfishi këtu edhe ministra, që e mbushin kryeministrin me përralla , “kjo ecën shumë mirë; 100%, drejtuesit sipas meritës të zgjedhur me konkurse …) dilnin e sulmonin si të mundeshin këta ngritës të problematikës. Po tani që kryeministri doli publikisht me këtë prononcim, çdo t’iu thonë këtyre kritikëve apo “kritizerëve”, “të paditur” ,… ,” inatçor” siç ata i etiketonin, apo komuniteteve kur dëgjuan kryeministrin atë ditë që paskan shkolluar fëmijët në shkolla me të tillë drejtues!? Asgjë! As që u bën përshtypje. Nëse është marrë seriozisht drejtimi i shkollës (gjasat të pakta ) le të dalin e të kërkojnë falje publike ( që kurrë s’kanë për ta berë) dhe të tregojnë përtej dekleratës së kryeministrit, konkretisht dëmet që i kanë sjell arsimit këta drejtues “out” dhe ata që “u ka ikur koha”.

Nuk është thjesht zëvëndësimi i tyre, pasi orjentinin e dha kryeministri – ” të gjenden mësueset më të mira” edhe pse përvojat në konkurse kanë treguar të kundërtën. Kur thuhet, “të gjenden…” harrohet se drejtuesit e shkollës zgjidhen me konkurs, sipas një udhëzimi të Ministrisë së Arsimit dhe Sportit dhe nuk ka nevojë për hulumtime të tilla që tashmë i bën më shumë DPA-ja. Le të mos bëhen konkurset false, le tu jepet mbështetje drejtuesve të aftë në punën e tyre dhe kjo do të shërbejë si një motiv që mund ti shtyjë mësueset e mira të konkurojnë. Po realisht të mira, jo siç ndodh rëndom, aty -këtu, që të vlërësohen si të mira ato që plotësojnë shijet e drejtuesve. Unë mendoj se, nuk duhet të kalohet lehtë ky problem vetëm me një zëvendësim të tyre, pa marrë përgjegjësi këta drejtues për dëmet komplekse, që kanë i kanë sjell shkollës, arsimimit të fëmijëve, e deri në emërimet dhe largimet e mësuesve pa kriter dhe procedur.

Drejtues “out” rrjedhimisht bëjnë veprime “out” dhe tërë shkollën e kthejnë né “out”. Përgjegjësia bie edhe mbi ata që i emëruan shumicën pa konkurse, me vite të komanduar, disa me konkurse false, disa që “u ka ikur koha” i ruajtën apo i promovuan, siç tha vetë kryeministri, disa edhe pse i gjenin me shkelje i mbanin, … , Përgjegjësia nis nga ministra e ish minstra, DPAP-ja, DRAP-et, Drejtora të Zyrave Arsimore e deri përgjegjësit e financave që kanë pranuar ti paguajnë këto. Të gjitha këto nisën në kohën kur arsimi drejtohej nga ish ministre Lindita Nikolla, sot e promovuar kryetare parlamenti, e cila e nisi “tura-vrapi” me konkurse publike false, duke ftuar dhe kryeministrin dhe i la stogje drejtuesit e komanduar si në shkolla dhe në ZVA, ato që “u kishte ikur koha me kohë” me bëmat e tyre. Kështu vazhduan dhe ministret e tjera. Nuk ngelet pa përgjegjësi edhe vet kryeministri që “sot” pranon se drejtimi i shkollës “out”.

Kalimi me një të thënë të problematikës dhe me një zëvëndësim të drejtuesve ” out” ( prit dhe se kur do të zëvëndësohen se i duhen fushatës që do vijë) tregon më së miri që drejtuesit “out” nuk janë thjeshtë një papërgjegjshmëri në emërime, por nevojë për të emëruar dhe larguar ata që u duheshin, por edhe për atë të famshmen “kap ç’të kapësh” sepse një “out” apo “i dalur boje” syrin e ka tek mbushja e xhepit dhe pislliqet. Mbi shpinën e këtyre përgjegjësve rrëndon korrupsionin, pesha e keqarsimimit të fëmijëve dhe dhimbja e shumë mësuesve që u hodhën në rrugë për hakmarrje të natyrave të ndryshme, deri pse i kritikonin, apo cmirë se ishin shumë më të mirë se ata. U rrëndon edhe vuajtja e familjarëve të tyre, që kjo dhimbje nuk i lë të festojnë siç duhet as Vitin e Ri. Por, mos harrojnë se koha i nxjerr të gjitha të palarat e tyre – me pislliqe dhe korrupsionin që kanë bërë.

(E.H/Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

blog blog fitnete gruda fitnete gruda