Sport

Ndihmësi: “Zizu është i hapur për gjithçka, por tani nuk mendon për asgjë “

22 Dhjetor 2021, 12:44 Nga DOSJA

SPANJE – Ka shumë zëra për të ardhmen e Zinedine Zidane, ish-trajnerit të Real Madridit, i cili është lidhur në disa raste me Paris Saint-Germain, por edhe me klubet angleze dhe kombëtaren franceze.

Megjithatë, sipas atyre që e njohin nga afër, përkatësisht ish-anëtarit të stafit dhe krahu i djathtë i tij, David Bettoni, nuk ka dyshim se kur Zizou do të rifillojë shpejt stërvitjen.

Bettoni foli për “Marca”-n për të ardhmen e trajnerit francez, duke shpjeguar ndjenjat e tij që nga lamtumira me Real Madridin e në vazhdim: “Kur do të kthehet dhe ku do të shkojë? Nuk e di, nuk kemi folur për destinacionin e tij të ardhshëm. Ai tha se do të marrë një vit pushim.

E njoh shumë mirë Zizun dhe e di që ai tani nuk po mendon për asgjë, e di që është me familjen e tij, kur të jetë gati, do t’i dëgjojë ofertat. Mendoj se është i hapur për gjithçka dhe se ai do të vendosë në bazë të shumë faktorëve.

Në fund të sezonit do të shohim”. Dhe përsëri Bettoni shton: “Në nivel personal, kur u largua nga Madridi, e bëri me klas, por edhe me shumë zemër. Më tha të qëndroja, sepse e pa energjinë time. Më dha, si të thuash, ok”.