Aktualitet

‘Open Balkan’ në Tiranë! Vuçiç dhe Zaev takohen me Ramën, Berisha i pret me protestë

20 Dhjetor 2021, 06:29 Nga DOSJA
‘Open Balkan’ në Tiranë! Vuçiç dhe Zaev

TIRANË– ‘Open Balkan’ “vjen” në Shqipëri! Për dy ditë rresht, liderët e 3 vendeve të përfshira në këtë proces, kryeministri Edi Rama, homologu maqedonas Zoran Zaev dhe presidenti i i Serbisë, Aleksandër Vuçiç do të diskutojnë lidhur me 5 marrëveshjet që pritet të miratohen nesër.

Kryeministri i Maqedonisë së Veriut Zoran Zaev dhe Presidenti i Serbisë Aleksandër Vuçiç kanë mbërritur në Shqipëri në kuadër të takimit të radhës për nismën ‘Open Balkan’. Të dy, nën forca të shumta sigurie janë nisur drejt Elbasanit, aty ku dhe i priste kryeministri Edi Rama. Rama për mysafirët ka parashikuar darkë zyrtare në resortin e Gjergj Lucës në Elbasan. Në të njëjtin takim do të jenë të pranishëm gjithashtu dhe përfaqësuesi i Këshillit Atlantik Jim O’Brien si dhe Alex Soros, drejtuesi i fondacioni Shoqëri e Hapur.

Nga kabineti i tij, Rama ka zgjedhur të marrë Ministren e Financave dhe Ekonomisë, Delina Ibrahimaj dhe Ministren e Bujqësisë, Frida Krifca. Nesër, do zhvillohen takimet zyrtare që në orën 09:00 në pallatin e Brigadave. Ekipeve të 3 vendeve do t’i bashkohet dhe komisioneri për zgjerim Oliver Varhely online, drejtori i Ceftës Emir Djikic, si dhe Sekretarja e përgjithshme e Këshillit i Bashkëpunimit rajonal, por përmes platformave online. arrëveshja e parë që do të nënshkruhet nga Rama, Vuçiç e Zaev është për kushtet për aksesin e lire në tregun punës, po ashtu do firmoset edhe akordi për skemat e përbashkëta për identifikimin elektronik të qytetarëve në pikat kufitare, për bashkëpunimin në fushën e sigurisë ushqimore, për njohjen e ndersjelltë për operatoret ekonomi. E në fund, ashtu siç është bërë traditë, takimi pritet të mbyllet me konferencën për shtyp traditë, të tre liderëve.

Megjithatë ardhja e Zaev dhe Vuçiç në Shqipëri nuk do të kalojë qetësisht, pasi ish-kryeministri Sali Berisha ka lajmëruar një protestë që do të zhvillohet sot para Kryeministrisë në orën 16:00. Për të siguruar rendin, Policia ka vendosur kangjella, ndërsa të gjitha shtyllat janë lyer me graso. Mirëpo nuk dihet nëse protesta do të zhvillohet edhe nesër, duke marrë parasysh axhendën e nismës.

Marrëveshjet që do të nënshkruhen

-Marrëveshja për kushtet për akses të lirë në tregun e punës në Ballkanin Perëndimor.

-Marrëveshja për ndërlidhjen e skemave të identifikimit elektronik të qytetarëve të Ballkanit Perëndimor.

-Marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Serbisë dhe Qeverisë së Republikës së Maqedonisë së -Veriut për bashkëpunim në fushën e veterinarisë, sigurisë ushqimore dhe ushqimore për kafshë dhe fitosanitare në Ballkanin Perëndimor.

-Marrëveshja ndërmjet Qeverisë së Republikës së Serbisë dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).

-Marrëveshja ndërmjet Qeverisë së Republikës së Maqedonisë së Veriut dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).

Çfarë është arritur deri tani?

Në kuadër të kësaj nisme, është vendosur lëvizja e lirë e qytetarëve me letërnjoftim ndërmjet Serbisë, Maqedonisë së Veriut dhe Shqipërisë, është nënshkruar marrëveshja për bashkëpunim në parandalimin dhe eliminimin e pasojave të fatkeqësive natyrore. Po ashtu, janë nënshkruar marrëveshje për bashkëpunim në lehtësimin e importit, eksportit dhe lëvizjes së mallrave në Ballkanin Perëndimor, si dhe një Memorandum mirëkuptimi dhe bashkëpunimi për qasje të lirë në tregun e punës. Ndërmjet Serbisë, Maqedonisë së Veriut dhe Shqipërisë është rënë dakord që kontrollet kufitare të hiqen nga 1 janari i vitit 2023. Po ashtu, është planifikuar që gradualisht të krijohet një treg i përbashkët për 12 milionë banorë, aq sa kanë banorë këto tri shtete së bashku – pra, të krijohet një “zonë e vetme ekonomike”.

Çfarë është nisma “Ballkani i Hapur”?

Nisma për bashkëpunimin rajonal, por që ka mbetur e tkurrur vetëm mes Serbisë, Shqipërisë dhe Maqedonisë së Veriut lindi më tetor të vitit 2019. Fillimisht e pagëzuar si “Mini Schengen”, nisma ka si qëllim lëvizjen e lirë të kapitalit, mallrave, shërbimeve dhe njerëzve midis tri vendeve. Por që prej korrikut të këtij vitit, në Forumin për Bashkëpunim Ekonomik Rajonal në Shkup, nisma ka marrë emrin e ri, “Ballkani i Hapur”. Deri më tani duket se Mali i Zi do të jetë vendi i radhës që pritet t’i bashkohet nismës, pasi sinjalet e para janë dhënë si nga kryeministri, po ashtu edhe nga zëvendësi i tij shqiptar, Dritan Abazoviç. Ndërsa Bosnje e Hercegovina dhe Kosova, janë shprehur se nuk do t’i bashkohen nismës. Nga Prishtina, kryeministri Albin Kurti pretendon se bashkëpunimi në rajon është detyrë e Procesit të Berlinit dhe se vendet nuk duhet që të diskutojnë pa pasur praninë e përfaqësive nga Bashkimi Europian.

ZHVILLIMET ORË PAS ORE:

E pret Rama dhe Zaev, kryeministri Rama mbërrin në Elbasan për darkën e planifikuar

Pas e ndjekin furgona policie, Vuçiç mbërrin në Elbasan nën forca të shumta sigurie

Rama, Vuçiç e Zaev i drejtohen Gjermanisë: Shpresojmë ta pranoni Ballkanin e Hapur

Daçiç e pranon: Serbia e propozoi “Ballkanin e Hapur”

‘Open Balkan’ në Tiranë! Zbardhet axhenda dy ditore

Protesta kundër Vuçiç në Tiranë, Berisha nxjerr videon nga Kuvendi i Rithemelimit

 

(A.B;F.M/DOSJA.AL)

Cila mendoni se është alternativa më e mirë:

View Results

kryesore politike aleksander vucic edi rama open balkan ne tirane aleksander vucic edi rama open balkan ne tirane

Sondazh

Poll

MË SHUMË