Sport

Për agjentët e lojtarëve kriza nuk ekziston,FIFA me rregull të ri mbi komisionet

15 Dhjetor 2021, 19:31 Nga DOSJA
Për agjentët e lojtarëve kriza nuk ekziston,FIFA me rregull

EUROPË– FIFA po përgatitet të hartojë një rregullore të re për agjentët e lojtarëve, e cila do të hyjë në fuqi në vitin 2022.Shpenzimet e klubit për të transferuar lojtarë në vitin 2021 shënuan një rënie për të dytin vit radhazi (-13,9% në 2021).Por ky reduktim – nënvizon organi drejtues i futbollit botëror – nuk përputhet me atë të komisioneve të paguara për shërbimet e agjentëve të lojtarëve që shënuan një rritje të lehtë prej 0.7%.

Vetëm në vitin 2021, sipas raportit të publikuar sot nga FIFA, komisionet e paguara arritën në 444.7 milionë euro (3.1 miliardë në dekadën e fundit sipas një raporti tjetër të publikuar në fillim të vitit). “Shpresojmë që rregullorja e re do të sjellë më shumë transparencë dhe më shumë profesionalizëm në sistem, gjithashtu duke publikuar më shumë informacion mbi transferimet dhe falë më shumë rregullave për agjentët”, tha gjatë një konference për media Emilio Garcia Silvero, menaxher ligjor i FIFA-s.

Rregulli i ri synon të rifusë ndërmjetësuesin ose agjentin brenda “Familjes së Futbollit” dhe të krijojë një organ të ri, “Shtëpinë e Pastrimit”, e cila do të trajtojë të gjitha pagesat.Klubet do të paguajnë komisionin tek FIFA dhe ky organ do të bëjë transferime te përfaqësuesit, duke vepruar si një lloj menaxheri grumbullimi. Pagesat nuk do të shkojnë më nga klubi te agjenti, por të gjitha do të kalojnë përmes FIFA-s për të siguruar që komisionet të mos kalojnë atë 6%.

E.Ç (Dosja.al)

Cila mendoni se është alternativa më e mirë:

View Results

sport sport agjentet fifa mendes raiola agjentet fifa mendes raiola

Sondazh

Poll

MË SHUMË