Aktualitet

VD-Moti i keq, Policia: Në gadishmëri për të ndihmuar banorët

12 Dhjetor 2021, 12:12 Nga DOSJA
VD-Moti i keq, Policia: Në gadishmëri për të ndihmuar

TIRANË- Autoritetet policore kanë njoftuar se janë në gadishmëri të plotë për të ndihmuar banorët e përmbytur. Me anë të një njoftimi, bëhet me dije se në Polici është ngritur një grup i posaçëm për të koordinuar veprimet në terren me informacionet që vijnë.


Njoftimi i Plotë:

Policia e Shtetit, që prej ditës së djeshme, ka kaluar në gatishmëri, për t’u ardhur në ndihmë banorëve, në rast përmbytjesh që mund të shkaktohen si pasojë e motit të keq. Nisur nga situata e krijuar si pasojë e motit të keq me reshje shiu e dëbore në vendin tonë, ku në disa zona ka dalje të lumenjve nga shtrati dhe në zonat malore është krijuar vështirësi në qarkullim për shkak të dëborës, Drejtori i Përgjithshëm i Policisë së Shtetit Gledis Nano, që prej ditës së djeshme, ka urdhëruar kalim në gatishmëri të strukturave policore në të gjithë vendin, për situatën e përmbytjeve.

Në Drejtorinë e Përgjithshme të Policisë së Shtetit është ngritur grupi i drejtimit, për të menaxhuar informacionet dhe për të koordinuar veprimet me shërbimet në terren. Grupi i drejtimit kryesohet nga Drejtori i Departamentit për Sigurinë Publike në Policinë e Shtetit.

Në të gjitha qarqet, shërbimet e Policisë janë të angazhuara në ndihmë të banorëve, në zonat ku është kërkuar ndihmë dhe në mbështetje të Emergjencave Civile, për të bërë të mundur pastrimin e rrugëve nga dëbora apo nga rënia e gurëve dhe shkarja e dheut. Në Fier dhe Vlorë janë dërguar grupe të FNSH-së dhe të Delta Forcë, bashkë me pajisjet e kërkim-shpëtimit.

Ndihmësspecialistët e zonave janë në kontakt të pandërprerë me administratorët e njësive administrative dhe me kryetarët e fshatrave, për reagimin në kohë, në rast nevoje për ndihmë. Në të gjitha akset rrugore, Policia Rrugore ka shtuar prezencën, për të orientuar dhe ndihmuar drejtuesit e mjeteve që kanë vështirësi në qarkullim për shkak të prezencës së ujit në rrugë apo të dëborës në zonat e thella.

Patrullat e Përgjithshme në të gjithë territorin janë në patrullim të pandërprerë dhe në gatishmëri për t’u ardhur në ndihmë qytetarëve, në rast nevoje. Në të gjitha Sallat Operative të Policisë është përforcuar shërbimi, duke iu përgjigjur në kohë reale çdo telefonate që vjen nga banorët në zona të ndryshme.

Policia e Shtetit siguron qytetarët se është në gatishmëri të plotë, duke bashkëpunuar e koordinuar veprimet me Emergjencat Civile dhe për çdo nevojë dhe ndihmë nga forcat e Policisë, të telefonojnë në nurmin 112 ose të dërgojnë njoftim në Komisariatin Dixhital.

LAJMI KRYESOR: Stuhia në Shqipëri! Vjosa përmbyt banesa në Vlorë, probleme me energjinë

(I.A/dosja.al)

Cila mendoni se është alternativa më e mirë:

View Results

aktualitet aktualitet moti i keq ne shqiperi moti i keq ne shqiperi

Sondazh

Poll

Aktualitet 12 Dhjetor 2021, 11:30

Rreshjet e borës/ Kelmendi prej një jave pa drita

KELMEND- Reshjet e dendura të borës kanë shkaktuar probleme në veri të vendit.Prej një jave tashmë, zona e Kelmendit është pa drita. Ndërsa, rruga që lidh Tamar...

MË SHUMË