Aktualitet

Reshjet/Krifca: Në ndjekje dinamike të nivelit të prurjeve. Strukturat në gatishmëri

11 Dhjetor 2021, 13:00 Nga DOSJA

Reshjet/Krifca: Në ndjekje dinamike të nivelit të prurjeve.

TIRANË – Ministrja e Bujqësisë dhe Zhvillimit Rural, Frida Krifca, në ndjekje dhe komunikim të vazhduar me Drejtoritë e Ujitjes dhe Kullimit të Ministrisë së Bujqësisë dhe Zhvillimit Rural, të cilat janë të mobilizuara në terren dhe po monitorojnë nga afër çdo ndikim të reshjeve në vend, ka bërë me dije përditësimin mbi situatën e krijuar. Ministrja thotë se deri tani rezulton se në zonën e Vlorës dhe të Fierit, ka rritje të nivelit të lumit Vjosa.

POSTIMI I MINISTRES:

Në komunikim të vazhdueshëm me Drejtoritë e Ujitjes dhe Kullimit, jemi të mobilizuar në terren dhe po monitorohet nga afër çdo ndikim i reshjeve. Në zonën e Vlorës dhe të Fierit, ka rritje të nivelit të lumit Vjosa. Jemi në ndjekje dinamike të nivelit të ujit. Strukturat janë në gatishmëri të plotë Në zonën e Beratit ka rritje të nivelit të lumit Osum. Në rrjetin e kanaleve kulluese ka nivele të larta të ujit, megjithëse ky rrjet funksionon me kapacitet të plotë. Njëjtë në zonën e Gjirokastrës, ku gjithashtu, ka rritje të nivelit të lumit Drinos. Në zonat Shkodër, Lezhë, Kurbin, Durrës nuk paraqiten problematika. Në zonën e Korçës, pavarësisht niveleve të rritura të lumit Devoll, deri tani nuk paraqiten dalje të ujërave në sipërfaqe të tokave. Të gjithë hidrovoret janë në funksion të plotë dhe monitorim. Jemi në terren, në ndjekje të situatës. Ministria e Bujqësisë dhe Zhvillimit Rural.

Ajo gjithashtu komunikon se në zonën e Beratit ka rritje të nivelit të lumit Osum. Në rrjetin e kanaleve kulluese ka nivele të larta të ujit, megjithëse ky rrjet funksionon me kapacitet të plotë. Njëjtë në zonën e Gjirokastrës, ku gjithashtu, ka rritje të nivelit të lumit Drinos. Teksa, në zonat Shkodër, Lezhë, Kurbin, Durrës nuk paraqiten problematika. Në zonën e Korçës, pavarësisht niveleve të rritura të lumit Devoll, deri tani nuk paraqiten dalje të ujërave në sipërfaqe të tokave.

“Të gjithë hidrovoret janë në funksion të plotë dhe monitorim. Jemi në terren, në ndjekje të situatës.”, përmbyll reagimin e saj ministrja Krifca.

LAJMI KRYESOR: Moti i keq / Përmbytje në disa qarqe, Rruga e Arbrit kalohet vetëm me zinxhirë

(E.H/Dosja.al)

Cila mendoni se është alternativa më e mirë:

View Results

aktualitet aktualitet frida krifca moti i keq ne shqiperi frida krifca moti i keq ne shqiperi