Aktualitet

Sinjali i fundit/ Berisha më 11 mban Kuvendin, Yuri Kim: Të zgjedhim të ardhmen

8 Dhjetor 2021, 09:32 Nga DOSJA

Sinjali i fundit/ Berisha më 11 mban Kuvendin, Yuri Kim: Të zgjedhim

TIRANË– Ambasadorja amerikane Yuri Kim i ka dërguar një mesazh ish-kryeministrit Sali Berisha në Ditën e Rinisë. Në rrjetet e saj sociale, ajo ka shpërndarë urimin zyrtar nga Ambasada Amerikane, por ka i ka shtuar edhe një mesazh personal. Në postimin e saj, Kim siguron se Amerika mbështet ndryshimin, duke bërë edhe njëherë thirrje që të ketë bashkëpunim me SHBA-në, për të ecur para, jo pas. Fjali që e përdor për liderin historik të Partisë Demokratike, Sali Berisha, që prej kur ai u shpall “non grata” nga Amerika.

“Amerika është ende me studentët e Shqipërisë në kërkesën tuaj për të qenë “si pjesa tjetër e Europës”. Jemi krenarë që jemi Aleati juaj në NATO dhe mbështesim Shqipërinë në BE. Duam që Shqipëria të jetë më e drejtë, më e fortë, më e pasur. Të vazhdojmë të punojmë së bashku për ta çuar Shqipërinë përpara dhe jo prapa, të zgjedhim të ardhmen në vend të së shkuarës,”-shkruan ambasadorja.

Berisha u shpall “non grata” nga Amerika më 19 maj, ndërsa kryedemokrati Lulzim Basha e përjashtoi përkohësisht nga grupi parlamentar, më 9 shtator. Që nga ajo ditë, Berisha ka nisur një aksion për të ‘hapur’ PD-në, duke shprehur hapur ambiecjet e tij për të drejtuar edhe njëherë forcën më të madhe opozitare në vend. Megjithatë Kim e ka shprehur qartë se Amerika njeh si kryetar të PD-së vetëm Lulzim Bashën.

LAJMI KRYESOR: Sot përkujtohet 8 dhjetori! Dita Kombëtare e Rinisë, urojnë Rama, Meta dhe Basha

(k.m/dosja.al)

Cila mendoni se është alternativa më e mirë:

View Results

kryesore politike 8 dhjetori dita e rinisë yuri kim 8 dhjetori dita e rinisë yuri kim