Aktualitet

KPA merr vendimin për ish-prokuroren Galanxhi, lihet në fuqi masa e dhënë nga KPK

24 Nëntor 2021, 16:36 Nga DOSJA

KPA merr vendimin për ish-prokuroren Galanxhi, lihet në fuqi masa e

TIRANË- Kolegji i Posaçëm i Apelimit ka vendosur që të lërë në fuqi vendimin e Komisionit të Pavarur të Kualifikimit për ish-prokuroren Anila Galanxhi. Sipas njoftimit të publikuar nga KPA-ja, bëhet me dihet se pas ankimimit për rivlerësim të Anila Galanxhit, është vendosur që të lihet në fuqi vendimi i KPK-së.

Njoftimi i vendimit:

Trupi gjykues i Kolegjit të Posaçëm të Apelimit, i përbërë nga Ina Rama kryesuese, Natasha Mulaj relatore, Albana Shtylla, Ardian Hajdari, Sokol Çomo anëtarë, shpalli vendimin për çështjen (JR) nr.47/2021, datë 23.08.2021, që lidhet me ankimin e subjektit të rivlerësimit Anila Galanxhi (Pappa) kundër vendimit të Komisionit të Pavarur të Kualifikimit nr. 421, datë 13.07.2021.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
1. Lënien në fuqi të vendimit të Komisionit të Pavarur të Kualifikimit nr. 421, datë 13.07.2021, që i përket subjektit të rivlerësimit Anila Galanxhi (Pappa).
2. Ky vendim është përfundimtar dhe ka efekt të menjëhershëm.
U shpall sot, në Tiranë, më datë 24.11.2021.

(I.A/dosja.al)

Cila mendoni se është alternativa më e mirë:

View Results

aktualitet aktualitet albana shtylla anila galanxhi ardian hajdari ina rama kolegji i posaçem i apelimit komisioni i pavarur i kualifikimit sokol como albana shtylla anila galanxhi ardian hajdari ina rama kolegji i posaçem i apelimit komisioni i pavarur i kualifikimit sokol como