Politike

U fotografua me Ballën para votimit në Kuvend, Kujtim Gjuzi tregon çfarë i kërkoi numri 2 i socialistëve

15 Qershor 2019, 11:39 Nga DOSJA
U fotografua me Ballën para votimit në Kuvend, Kujtim Gjuzi tregon

TIRANË- Deputeti i Kuvendit, i dalë nga lista e Partisë Demokratike, Kujtim Gjuzi, ka zbuluar disa detaje nga takimi me kreun e grupit parlamentar socialist, para se të votohej për rezolutën në Kuvend, kundër dekretit të Presidentit Ilir Meta. (Lexo këtu)

Në një intervistë për Dosja.al, Gjuzi tregoi se çfarë ka biseduar dhe çfarë i ka kërkuar Taulant Balla atij në tavolinë.

Sipas Gjuzit, Balla e ka pyettur lidhur me votën ndaj rezulutës, si dhe për kërkesën për shkarkimin e Presidentit Ilir Meta.

Pjesë nga intervista:

Dje qarkulloi në medie një foto e juaja me numrin 2 të PS-së, Taulant Balla. Nëse mund të na jepni ndonjë informacion, se çfarë diskutuat?

Gjuzi: Balla ishte i intertesuar të bisedonte me të djathtët lidhur me votimin. Ne i thamë zotit Balla se votimi është i fshehtë në Parlament, por nëse është elektronik, ai prësëri është i hapur se duken numrat. Në këto kushte ne nuk do të japim ty shpjegim vote këtu.
Më pas Balla më kërkoi dhe bëri pyetjen e dytë: Zoti Gjuzi ne ditën e hënë, duam të vendosim në fillim të kërkesës sonë, për heqjen e mandatit të zotit Meta, shkeljen tuaj që e keni konstatuar dy vite më parë në gjykatën kushtetuese. A mundet që të jetë e para kërkesa juaj? Unë i thashë kjo është e drejta juaj, ta vendosni ju. Shkoni te gjykata kushtetuese dhe merrni protokollin dhe çfarë ka kërkesa jonë atje rezulton të jetë e vërtetë apo jo për largimin e Metës. Ndërkohë do të rendisim dhe dy shkelje të tjera të presidentit Meta në lidhje me kushtetutën, që i gjykon e majta. Pra nuk është bashkim vote. E dyta që është e rëndësishmë është që Kujtim Gjuzi është në parlament ëpr të ruajtur Republikën e Shqipërisë, që do të thotë se unë pres në tavolinë, edhe Edi Ramën, edhe Sali Berishën, por edhe Ilir Metën, pres në tavolinë edhe ata që kam “hasmëri” gati 80 e ca vjeçare, kur me gjejnë në tavolinë dhe më thonë: a ka mundësi të ulem në tavolinë, pra unë jam shqiptar. Në këtë kontekst edhe hasmi im të jetë dhe të kërkojë të pijë kafe në tavolinë me mua. Nuk ma lejon e drejta zakonore të ndaloj tjetrin të ulet në tavolinë. Aq më pak kur unë isha aty me Artur Roshin, kryetar i Ballit Kombëtar Demokrat, Selami Jenisheri, kryetar i Partisë së Pensionistëve, të dy deputetë dhe isha poashtu me z.Troplini i deputet tjetër i Ballit Kombëtar. Pra unë nuk kisha sesi të ndaloja në tavolinë Taulant Ballën dhe siç e shihni është në pjesën fundore të Tavolinës.

Të enjten, 5 orë debat në Kuvendin e Shqipërisë për dekretin e anulimit të zgjedhjeve nga Meta. Socialistët janë shfaqur të tërhequr nga kërkesa e tyre për shkarkim. Njëzëri ata deklaruan se presidenti ka shkelur Kushtetutën, por duhet të reflektojë. Rama i kujtoi mëkatet Metës dhe i kërkoi të reflektojë. Opozita e re, në mbështetje të qeverisë.

(B.B/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike gjuzi takon ballën kujtim gjuzi taulant balla gjuzi takon ballën kujtim gjuzi taulant balla

Sondazh

Poll

MË SHUMË