Bota

Samiti i Cop26 në Glasgow/Në ditën e 4 diskutohet për energjinë

4 Nëntor 2021, 07:19 Nga DOSJA

Samiti i Cop26 në Glasgow/Në ditën e 4 diskutohet për

GLASGOW – Sot është dita e katërt konferencës së Kombeve të Bashkuara për klimën në Glasgow të Skocisë.

Ditën e sotme fokusi do të jetë tek energjia dhe në veçanti qymyri. Mbretëria e Bashkuar “udhëhoqi” botën në angazhimin për të hequr gradualisht qymyrin dhe do të shpresojë për angazhime të ngjashme në këtë ditë. Udhëheqësit e G7 kanë bërë tashmë premtime për qymyrin këtë korrik.

Dy sesione paneli, me figura të larta qeveritare dhe organizata ndërkombëtare, do të shpallin dhe diskutojnë masat e reja për të rritur më shpejt kalimin në energjinë e pastër.

Pasdite do të ketë fjalime nga ministrat e energjisë nga Mbretëria e Bashkuar, India dhe e gjithë bota dhe një ngjarje që do të shikojë fazën e largimit të qymyrit në nivel global.

Dje ishte dita e tretë e Samitit dhe fokusi ishte financa. Synimi ishte mobilizimi i ekonomive, i cili përshkruhet si jetik në limitimin e temperaturës globale me 1.5 gradë. Në ditën e tretë të Samitit të COP26 është diskutuar sesi duhen menaxhuar financat për të arritur “net zero”, me fokusin kryesor tek ndihma financiare që vendet e zhvilluara janë zotuar të japin për vendet në zhvillim, në mënyrë që t’i ndihmojnë me uljen e emetimit të gazrave. Dita e Financës filloi me kancelarin Rishi Sunak, i cili paraqiti progresin në financimin e klimës, dhe fokusi ishte mbi financimin nga vendet e pasura përgjegjëse për emetimet e larta në vendet në zhvillim për t’i ndihmuar që të përshtaten me ndryshimet klimatike. Kjo ishte një çështje e rëndësishme pasi vendet e pasura nuk e kanë përmbushur ende shumën e premtuar. I dërguari i posaçëm i OKB-së dhe këshilltari i financave i zotit Johnson për COP26, Mark Carney, shfaqi më pas hapat e ndërmarrë nga sektori financiar global për të ndihmuar në arritjen e “net zero”. “Net zero” i referohet balancës midis sasisë së gazit serrë të prodhuar dhe sasisë së hequr nga atmosfera. I dërguari i OKB-së për klimën, Mark Carney, i cili mblodhi Aleancën Financiare të Glasgout për “Neto Zero” (GFANZ), vuri shifrën në 100 trilionë dollarë gjatë tre dekadave të ardhshme dhe tha se industria e financave duhet të gjejë mënyra për të mbledhur para private për tështuar përpjekjet e saj.

ZHVILLIMET ORË PAS ORE

Më shumë se 40 vende bien dakord të heqin dorë nga energjia me qymyr

(m.k/dosja.al)

Cila mendoni se është alternativa më e mirë:

View Results

bota kryesore cop26 ne glasgow dita e katert e cop26 samiti i cop26 samiti per klimen cop26 ne glasgow dita e katert e cop26 samiti i cop26 samiti per klimen