Bota

Fjalimi prekës i Mbretëreshës Elisabeth, përkujton Princin Philip

1 Nëntor 2021, 20:20 Nga DOSJA

Fjalimi prekës i Mbretëreshës Elisabeth, përkujton Princin

ANGLI– Mbretëresha Elizabet tha së fundmi se ka gjithmonë vend për shpresë pavarësisht sfidave të mëdha të emergjencës klimatike. Ajo u bëri thirrje liderëve botërorë të pranojnë se koha për fjalë tani ka mbaruar dhe ka nisur koha për veprim. 95-vjeçarja foli sonte përmes një video-mesazhi, në një pritje për krerët e kombeve dhe qeverive në samitin e ndryshimeve klimatike COP26 në Glasgow.

Madhëria e saj u detyrua të tërhiqej nga ngjarja pasi ajo vazhdon të rikuperohet nga qëndrimi në spital i dy javëve më parë. Ajo foli për “krenarinë e saj të madhe”, që djali i saj Charles dhe nipi William morën përgjegjësinë për të bërë fushatë për planetin. Mbretëresha tregoi se si ishte frymëzuar nga të rinjtë dhe entuziazmi i tyre për të bërë fushatë për këtë çështje, duke thënë se kishte gjetur ngushëllim dhe frymëzim të madh nga entuziazmi i njerëzve të të gjitha moshave, veçanërisht të rinjve, në thirrjen që të gjithë të bëjnë maksimumin e tyre.

Monarkja mbajti gjithashtu fjalimin e saj për të nderuar bashkëshortin e ndjerë Princin Philip dhe përpjekjet e tij prej dekadash për të ngritur profilin e ndryshimeve klimatike, duke cituar një fjalim që ai mbajti në vitin 1969.

“Në ditët në vijim, bota ka mundësinë të bashkohet me objektivin e përbashkët për të krijuar një të ardhme më të sigurt, më të qëndrueshme për njerëzit tanë dhe për planetin nga i cili ne varemi. Ndonjëherë është vërejtur se ajo që liderët bëjnë për popullin e tyre sot është qeveria dhe politika. Por ajo që ata bëjnë për njerëzit e së nesërmes, është burrëria,” tha mbretëresha.

Duke iu lutur atyre që ishin në dhomë të punojnë së bashku, ajo shtoi: Është shpresa e shumë njerëzve që trashëgimia e këtij samiti, do t’ju përshkruajë si liderët që nuk e humbën mundësinë dhe se iu përgjigjët thirrjes së atyre brezave të ardhshëm. Që ju u larguat nga kjo konferencë si një komunitet kombesh me një vendosmëri, një dëshirë dhe një plan, për të trajtuar ndikimin e ndryshimeve klimatike. Të kuptojmë se koha për fjalë tani ka kaluar dhe është koha për veprim.

Ndërkohë, Princi Charles, i cili ka shpenzuar më shumë se 50 vjet duke nxjerrë në pah çështjet mjedisore, u kërkoi udhëheqësve të biznesit botëror të çlirojnë triliona në dispozicion për të ndihmuar në transformimin e ekonomive të bazuara në lëndë djegëse fosile në një model më të qëndrueshëm. Në fjalimin e tij në samitin e Cop26, Charles tha se forca e sektorit privat global ishte më e madhe se qeveritë dhe përfaqësonte të vetmen perspektivë reale të ndryshimit themelor. Ai foli përpara zhvillimit të COP26 me themeluesin e Amazon, Jeff Bezos, i cili po ndan 10 miliardë dollarë në grante gjatë 10 viteve për të luftuar ndryshimet klimatike dhe për të mbrojtur mjedisin.

Burimi: Mirror

(i.d.Dosja.al)

Cila mendoni se është alternativa më e mirë:

View Results

bota bota mbretëresha elisabeta ii princi philip samiti i cop26 mbretëresha elisabeta ii princi philip samiti i cop26