Sport

Meksikani Vela e pranon: “Po përpiqem ta sjell Griezmann në MLS, te Los Angeles FC”…

31 Tetor 2021, 09:59 Nga DOSJA

SHBA – Sërish bashkë, pas viteve te Real Sociedad. Kjo është ëndrra e Carlos Vela, i cili shpreson të luajë edhe një herë me Antoine Griezmann, por këtë herë në MLS me Los Angeles FC. Kështu ka deklaruar sulmuesi meksikan, i cili prej vitit 2017 luan në kampionatin e Shteteve të Bashkuara.

Vela ndër talentët më të mirë të MLS-së në vitet e fundit, në profilet zyrtare të klubit të tij në Instagram dhe ka shkruar se po punonte për të bindur yllin francez, që të transferohet në Amerikë në klubin e tij:

“Po përpiqem të sjell Griezmann. këtu”,– ka pranuar meksikani, i cili është mik i madh i sulmuesit francez te Atletico Madrid. “Ne kemi folur për këtë edhe disa herë më parë dhe gjithmonë i them atij, se kur të vijë dita e transferimit të tij në MLS, ai do të duhet të jetë te Los Angeles FC”.

Në të kaluarën, Griezmann kishte folur për ambicien e tij, për të provuar aventurën në Major League Soccer dhe askush nuk e di se kjo mund të mos ndodhë, pranë mikut të tij Carlos Vela…