Bota

I dashuri i vrau djalin 8-vjeçar, nëna e lë kufomën për një vit në shtëpi

29 Tetor 2021, 13:12 Nga DOSJA

I dashuri i vrau djalin 8-vjeçar, nëna e lë kufomën

SHBA- Arrestohet nëna dhe i dashuri i saj për vrasjen e të birit 8-vjeçar që u gjend i dekompozuar pas një viti, në shtëpinë e tyre.
Nëna e 3 fëmijëve, të cilët u gjetën duke jetuar me kufomën e vëllait të tyre të vdekur në shtëpi dhe i dashuri i saj u arrestuan mbrëmjen e së martës në një bibliotekë publike ku po kërkonin artikuj lajmesh për veten e tyre.

Krimi u zbulua pasi djali 15-vjeçar telefonoi 911, për të raportuar se ata kishin jetuar me kufomën e vëllait të tyre në shtëpi. Sherifi i Qarkut Harris Ed Gonzalez tha se Gloria Williams, 35 vjeç, akuzohet për mosveprim dhe ngatërrim të provave të kufomës. I dashuri i saj, Brian Coulter, 31 vjeç, akuzohet për vrasje. Të dy mund të përballen me më shumë akuza, shtoi Gonzalez. Të martën, eksperti mjekësor tha se 8-vjeçari vdiq si pasojë e lëndimeve të shumta me forcë. Hetuesit besojnë se Coulter e rrahu djalin për vdekje dhe më pas ai dhe Williams u larguan, duke i lënë fëmijët të kujdeseshin për veten e tyre ndërsa trupi i vëllait të tyre u dekompozua.

ABC13 mësoi se çifti jetonte në një apartament vetëm 15 minuta larg në Westchase. Fqinjët i thanë ABC13 se 15-vjeçari mbështetej tek ata për ushqim. Erica Chapman ishte një nga banorët që vuri re se diçka nuk shkonte dhe ajo filloi t’i jepte ushqim atyre për gjashtë muaj me radhë.

“Nuk doja ta largoja duke i bërë pyetje, sepse e dija se po vdiste uria dhe kishte nevojë për ushqim”, tha Chapman.

Të tre djemtë u dërguan në spital, ku mjekët thanë se ishin të kequshqyer dhe me plagë. 7-vjeçari kishte fraktura në fytyrë dhe ka nevojë për operacion. Departamenti i Shërbimeve Familjare dhe Mbrojtëse të Teksasit po kërkon kujdestarinë urgjente të tre djemve.

(S.b/dosja.al)

Cila mendoni se është alternativa më e mirë:

View Results

bota bota brian coulter ed gonzalez gloria william brian coulter ed gonzalez gloria william