Bota

Merkel nga Athina: Marrëdhëniet me Greqinë do të mbeten gjithmonë të ngushta

29 Tetor 2021, 11:54 Nga DOSJA

Merkel nga Athina: Marrëdhëniet me Greqinë do të mbeten

GREQI- Kancelarja gjermane, Angela Merkel gjatë vizitës së saj në Greqi është shprehur se marrëdhëniet Gjermani-Greqi do të mbeten gjithmonë të ngushta dhe bashkëpunuese duke theksuar se kjo nuk do të jetë vizita e saj e fundit në vendin fqinj.

“Kush e njeh kulturën nuk mund të lërë jashtë Athinën dhe Greqinë“,- theksoi Merkel në deklaratat e saj të përbashkët me kryeministrin grek, Kyriakos Mitsotakis.

Sipas Protothema, Merkel u shpreh se të dyja vendet janë përballuar me sfida të shumta ku përmendi dhe krizën e ‘euros’ dhe rikujtoi mbështetjen që Gjermania i ofroi Greqisë duke arritur që të gjenin një gjuhë të përbashkët dhe të tejkalonin vështirësitë e krijuara. Ajo nuk la pa përmendur as problemin e emigracionit duke theksuar dhe rëndësinë e paktit BE-Turqi.

“Sapo mbaroi kjo fazë praktikisht ka përfunduar, na u desh të përballemi me një sfidë tjetër të madhe, që ishte migrimi që filloi në vitin 2015. Ne kemi treguar se mund të ndajmë përgjegjësitë dhe mendoj se Pakti BE-Turqi është një shembull që na tregon se mund të punojmë së bashku.dhe në këtë rast të bashkëpunojë me Turqinë. Unë e di numrin e madh të sfidave me të cilat përballet Greqia kur bëhet fjalë për bashkëpunimin me Turqinë. Ne diskutuam intensivisht dje dhe sot se duhet të zbatohen rezolutat e OKB-së dhe ligji ndërkombëtar dhe ne besojmë se është e rëndësishme, por e vështirë për të gjetur përgjigje dhe zgjidhje përmes dialogut, “-shtoi ajo.

Duke iu përgjigjur pyetjeve për marrëdhëniet e vendit tonë me Turqinë, Angela Merkel tha se Turqia si fqinj dhe anëtare e NATO-s duhet të gëzojë një marrëdhënie me respekt të ndërsjelltë, por duhet edhe të respektojë të drejtat e njeriut.

Lajmi kryesor/AXHENDA/ Merkel vizitë lamtumirë në Greqi, takimi me Mitsotakis dhe presidenten

(d.a/dosja.al)

Cila mendoni se është alternativa më e mirë:

View Results

bota bota angela meerkel vizite ne greqi kyriakos mitsotakis marredheniet greqi-gjermani angela meerkel vizite ne greqi kyriakos mitsotakis marredheniet greqi-gjermani