Bota

Hesse, vendi i parë në Gjermani që nuk lejon të pavaksinuarit në supermarkete

16 Tetor 2021, 08:36 Nga DOSJA

Hesse, vendi i parë në Gjermani që nuk lejon të

GJERMANI– Shteti gjerman i Hesse është bërë i pari në vend që lejon bizneset të mohojnë aksesin e personave tv pavaksinuar, duke krijuar një precedent shqetësues ndërsa fqinjët e tij luftojnë me protesta kundër vaksinimit të detyrueshëm.

Sipas mediave të huaja, supermarketeve u është dhënë leja për të mohuar të drejtën e të pavaksinuarve për të blerë ushqim dhe gjëra të tjera të domosdoshme, konfirmoi kancelaria shtetërore të Premten. Sipas politikës së re, dyqanet mund të vendosin nëse do të zbatojnë ‘rregullin 2G’, që do të thotë lejimin e hyrjes vetëm e të vaksinuarve dhe të shëruarve apo dhe ata që janë testuar negativisht për virusin.

Ministri, Volker Bouffier tha se shpresonte që rregulli i ri të mos zbatohej gjerësisht, duke shpjeguar: “Ne presim që ky opsion të përdoret vetëm disa ditë dhe se bizneset që plotësojnë nevojat e përditshme nuk do ta përdorin atë. ”

Në këmbim të pranimit vetëm të personave të vaksinuar ose të shëruar, bizneset lejohen të heqin dorë nga distancimi shoqëror dhe të maskave të fytyrës, ndoshta një kompromis joshës pas 18 muajsh mbulimesh të rënda të fytyrës.

Përveç opsionit të ri, stafi i spitalit që mbetet i pavaksinuar duhet të testohet për Covid-19 dy herë në javë, dhe studentëve u kërkohet ende të maskohen derisa janë ulur në klasë.

Ndërsa të paktën tetë shtete të tjera gjermane kanë hapur opsionin për biznese të caktuara si bare, restorante, palestra, kinema dhe bordello, Hesse është i pari që lejon rregullin në dyqanet ushqimore dhe dyqanet e tjera me pakicë.

Megjithëse kombet e tjera evropiane si Italia dhe Franca kanë zbatuar kërkesa të rrepta për vaksinat që ndalojnë personat e pavaksinuar të punojnë ose të hyjnë në kafene, shumica e liderëve nuk kanë urdhëruar drejtpërdrejt bllokimin e çdo shërbimi pvr tv pavaksinuarit. Sidoqoftë, shqetësimet për pasaportat e vaksinave kanë dërguar qindra mijëra njerëz në rrugë për të protestuar edhe pse vende si SHBA fillojnë të rihapen për udhëtime.

(d.a/dosja.al)

Cila mendoni se është alternativa më e mirë:

View Results

bota bota koronavirusi ne gjermani vaksinimi i detyrueshem ne gjermani volker bouffier koronavirusi ne gjermani vaksinimi i detyrueshem ne gjermani volker bouffier