Aktualitet

Tensione në Kosovë! Serbët në veri sulmojnë policinë, Vuçiç bën gati ushtrinë

13 Tetor 2021, 08:42 Nga DOSJA

Tensione në Kosovë! Serbët në veri sulmojnë

KOSOVË– Sërish tensione në Veri të Kosovës! Kur vetëm pak ditë pasi situata u qetësua nga përplasja për reciprocitetin e targave, në Mitrovicën e Veriut ka pasur sërish tensione mes qytetarëve dhe Policisë së Kosovës. Këta të fundit ishin nisur në një aksion kundër mallrave kontrabandë, që u zhvillua në disa qytete të vendit përfshirë Pejën, Prishtinën dhe Mitrovicën e Veriut.

Futja e efektivëve në një farmaci serbe ka nxitur gjakrat dhe ka dhënë “dritën jeshile” për nisjen e dhunës. Fillimisht qytetarët serbë dhe policia janë përplasur me shkelma e grushte ndërsa më pas është raportuar edhe për të shtëna e bomba. Ndaj si mënyrën e vetme për t’i mbajtur nën kontroll turmat, policia ka gjetur gazin lotsjellës. Nga përplasjet janë plagosur 8 persona, nga të cilët 6 janë zyrtarë të Policisë së Kosovës. Një prej të plagosurve është serb dhe mësohet se ndodhet në gjendje të rëndë pasi një plumb i ka depërtuar në shpinë, ndërsa nuk dihen detaje për të lënduarit e tjerë.

Presidenti serb Aleksandrër Vuçiç ka bërë gati ushtrinë, ndërsa kërkon ndërhyrjen e ndërkombëtarëve për mbrotjen e serbëve të Kosovës.

“Mbani shqiptarët, ose ndryshe do t’i mbajmë ne,”-i tha ai në telefon të dërguarit të BE-së, Miroslav Lajçak në një telefonatë. Ndërkohë që ka shkuar në kufi për të takuar zyrtarë serbë që jetojnë në Kosovës. Me emergjencë, po ashtu edhe kryeministrja e Serbisë, Ana Brnabiç ka bërë thirrje për ndërhyrje nga NATO, ndërsa homologu i saj Kurti tha se janë mediat serbe që po politizojnë situatën, pasi aksioni ka lidhje vetëm me mallrat kontrabandë.

Ndërkohë reagime ka patur dhe nga pala kosovare ku presidentja Osmani në një status në Facebook e konsideron si një aksion kundër krimit dhe thekson se kush e kundërshton atë është shkelës i ligjit. Kryeministri Kurti gjithashtu e ka cilësuar këtë aksion kundër krimit, duke shtuar se grupet kriminale nuk do të tolerohen. Po ashtu ministri i brendshëm, Xhelal Sveçla në një konferencë për shtyp u shpreh se ky aksion nuk shënjestron asnjë individ apo etni por është aksion kundër krimit. Nuk kanë munguar as reagimet e ndërkombëtarëve ku Ambasada Amerikane në Prishtinë ka bërë thirrje që të ulen tensionet dhe të evitohet dhuna. Thirrjes për ndaljen e dhunë i është bashkuar edhe Shefi i politikës së jashtme të BE-së, Josep Borrell i cili i konsideron këto si lëvizje që krijojnë destabilitet.

ZHVILLIMET ORË PAS ORE

ORA 19:52

Largohet kamioni fundit, situata drej normalizimit në Kosovë

ORA 19:46

E krahasoi situatën me holokaustin, ambasadori gjerman i kthehet Rakiç: Stop

ORA 19:13

VIDEO/ Momenti kur gazetares i hidhet lëndë shpërthyese në veri të Kosovës

ORA 17:56

Kërcënimi nga BEOGRADI! Vuçiç-Lajçakut: Mbani shqiptarët, ose ndryshe merremi ne…

ORA 17:43

Tensionet në Mitrovicë, akuza e Vuçiç: Kosova u shty nga ndërkombëtarët

ORA 17:25