Aktualitet

Qytetarët dalin në protestë për rritjen e çmimeve: Thika ka shkuar deri në palcë

12 Tetor 2021, 19:26 Nga DOSJA

Qytetarët dalin në protestë për rritjen e çmimeve:

SHKODËR– Qytetarët e Shkodrës kanë dalë në protestë kundër rritjes së çmimeve. Ata janë mbledhur në sheshin e qytetit dhe kërkuar që zëri i tyre të dëgjohet pasi ky problem prek të gjitha familjet shqiptare.

“Jam bashkë me shoqërinë civile po protestojmë më së shumti për rritjen e cmimeve të produkteve të shportës. Shpresoj që zëri jonë dhe pse jemi pak persona të dëgjohet dhe të merret parasysh qëndrimi ynë”- tha një nga protestuesit për FaxNeës.

“Është bërë thirrje për ti bërë apel qeverisë për rishikimin e çmimeve dhe normalisht është një problem që prek cdo familje shqiptare, sidomos pas pandemisë. Na vjen keq që nuk ka një numër të madh por në ditet në vazhdim ata do e kuptojnë si do ndikojë te buka e gojës kjo gjë,”- tha një tjetër.

“Program shumë i mirë ai Adriatik Llapajt, njerëzit duhet të reagojnë, Rama ka frikë vetëm njerëzit dhe duhet të ngriheni sepse thika ka shkuar deri në palcë. Ky pushtet nuk kujdeset për qytetarët e vet dhe i lë në varfëri. Në këtë zonë ndodhen mbi 10 mijë banorë, ndërkohë rruga nuk njeh ndërhyrje prej shumë vitesh,”-u shpreh një tjetër.

Një ditë më parë, për më shumë se një orë qytetarët janë mbledhur para Kryeministrisë për të protestuar lidhur me rritjen e çmimeve. Ata kërkojnë heqjen e TVSH-së për ushqimet e shportës, uljen e TVSH-së në masën 10% të çmimit të energjisë për bizneset e vogëla dhe familjet, heqjen e taksës së qarklullimit në naftë si dhe heqjen e akcizës së gazit.

(f.m/Dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet rritja e cmimeve ne shqiperi rritja e cmimeve ne shqiperi