Bota

‘S’ke vënë maskën e duhur’/ Pasagjeri debaton me menaxheren në Francë, ajo e nxjerr jashtë nga treni

8 Tetor 2021, 14:36 Nga DOSJA
‘S’ke vënë maskën e duhur’/ Pasagjeri debaton

FRANCË – Një pasagjer britanik ka pohuar se ai u “hodh” jashtë nga treni Eurostar pasi policia franceze ngriti pretendimin se ai ishte duke mbajtur maskën e gabuar kundër COVID-19. Sipas Daily mail, Eurostar kërkon që të gjithë pasagjerët të mbajnë një maskë në bord, por një zëdhënës sot tha se nuk kishte rregulla që specifikonin se çfarë lloj maskash duhet të mbahen. Një deklaratë nga Eurostar tha se burri e hoqi vazhdimisht maskën e tij si në stacion ashtu edhe në bord, pavarësisht nga këshillimet miqësore nga stafi.

“Gjatë udhëtimit, pasagjeri u bë agresiv dhe frikësoi ekipin në bord kur ata me mirësjellje i kujtuan atij të mbante një maskë siç kërkohet në kushtet tona të transportit. Si rezultat, udhëtarit iu kërkua të linte trenin në stacionin Lille dhe në këtë situatë është procedurë normale që policia të marrë pjesë dhe të ndihmojë“, tha zëdhënësi.

Pasagjerët e tjerë thanë se menaxherja e trenit pas një shkëmbimi fjalësh me udhëtarin urdhëroi që shërbimi të ndalonte në mënyrë që ai të largohej. Ai u rrethua nga të paktën tetë oficerë me uniformë, dhe më pas u largua i bllokuar në Lille kur treni rifilloi udhëtimin e tij për në Angli.

“Unë nuk kam bërë asgjë të keqe dhe respektoj të gjitha rregullat, kjo është absolutisht skandaloze. Unë nuk kam absolutisht asnjë ide se për çfarë bëhet fjalë, përveç se një anëtar i stafit të Eurostar krijoi një mospëlqim të fortë ndaj meje dhe më akuzoi se nuk mbaja maskën e duhur. Tani do të lihem vetëm në Francë, kur gjithçka që doja të bëja ishte të kthehesha në shtëpi nga një udhëtim pune. Ky është një trajtim shumë mizor. Ne duhet të ecim përpara, duke mos e trajtuar njëri -tjetrin në këtë mënyrë”, tha ai, ndërsa u çua para udhëtarëve të tjerë të habitur.

Pasagjerët e tjerë më pas u ankuan për ndalesën e paplanifikuar, të paparalajmëruar në Lille që shkaktoi një vonesë prej 15 minutash. Drama u zhvillua menjëherë pasi Eurostar 9031 u largua nga Paris Gare du Nord në orën 1.13 pasdite. Ai duhej të udhëtonte drejtpërdrejt në Londër, duke mbërritur në St Pancras në orën 2.39 pasdite. Por brenda pak minutash nga nisja menaxherja e Eurostar u përfshi në një debat të fortë burrin dhe udhëtimi u vonua.

(m.k.dosja.al)

Iftar dhe politikë, a u prek Muaji i Ramazanit nga politikanët?

View Results

bota bota eurostar france menaxherja nxjerr pasagjerin nga treni eurostar france menaxherja nxjerr pasagjerin nga treni

Sondazh

Poll

MË SHUMË