Bota

Petkoviç i përgjigjet Kurtit: Smund të flasësh për reciprocitet, është zbatim marrëveshje

4 Tetor 2021, 12:09 Nga DOSJA

Petkoviç i përgjigjet Kurtit: Smund të flasësh për

SERBI- Drejtori i të ashtuquajturës zyrë për Kosovën në Qeverinë e Serbisë, Petar Petkoviç, i është përgjigjur deklaratave të kryeministrit të Kosovës, Albin Kurti lidhur me ‘epokën e reciprocitetit’.

Petkoviç deklaroi sot se zbatimi i marrëveshjes së Brukselit për përdorimin e tabelave ngjitëse po funksionon pa probleme dhe se ai nuk pret probleme të mëdha. Ai tha se Kurti nuk mund të flasë për reciprotcitet kur bëhet fjalë thjesh për zbatimin e marrëveshjes.

Sipas Petkoviç, është rënë dakord që raundi tjetër i dialogut të fillojë me temën e Asociacionit të komunave me shumicë serbe.

“Ne do të bëjmë gjithçka që marrëveshja të funksionojë siç duhet, të kemi liri të lëvizjes dhe këtë e presim nga Prishtina, në mënyrë që të kemi qarkullim të lirë të mallrave, njerëzve, shërbimeve. Unë nuk pres probleme më të mëdha”, tha Petkoviç.

Ai tha se Kurti nuk e thotë të vërtetën kur flet për reciprocitetin.

I pyetur se çfarë pret nga angazhimi i shtuar i SHBA-së, Petkoviç tha se qëndrimet e Beogradit dhe SHBA-së ndryshojnë, por tha se Gabriel Escobar është diplomat me përvojë, i cili ka qenë në këtë zonë për një kohë të gjatë dhe se e kupton mirë Ballkanin Perëndimor.

“Është e qartë për të gjithë se nuk ka përparim pa dialog, dhe shpresoj se Shtetet e Bashkuara do ta përdorin ndikimin e tyre në Prishtinë për t’ia shpjeguar këtë edhe Kurtit”, tha Petkoviç.

Pas dy ditësh bisedime në Bruksel, më 30 shtator u arrit marrëveshja e reciprocitetit të targave midis Kosovës dhe Serbisë. Marrëveshja ka 3 pika bazë ku së pari forcat e policisë së Kosovës dhe protestuesit serbë duhet të lironin pikat kufitare. Më pas do të niste vendosja e tabelave ngjitëse dhe së fundi krijimi i një grupi pune i cili do të vijojë bisedimet për të gjetur një zgjidhke përfundimtare.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni albin kurti gabriel escobar kosova vendos reciprocitetin me serbine petar petkoviç albin kurti gabriel escobar kosova vendos reciprocitetin me serbine petar petkoviç