TIRANË– Avokati Spartak Ngjela ka reaguar në lidhje me vendimin e marrë nga presidenti Ilir Meta për shtyrjen e zgjedhjeve.
Në një status në rrjetet sociale, Ngjela shkruan se presidenti Ilir Meta në një vend tjetër mund të shkarkohet dhe arrestohet. Për sa i përket vendimit të marrë në lidhje me shtyrjen e zgjedhjeve, Ngjela shkruan se është një vendim nul pa peshë juridike.
“Por, a mund të shkarkohet Presidenti për këtë shkelje? Sigurisht që po. Në një vend Perëndimor mund edhe të arrestohej në flagrancë,”- thekson Ngjela ndër të tjera.
Reagimi i Spartak Ngjelës
Meta ka rënë në qerthullin kriminal- krimi ndjell krimin.
Qëkurse u shfaq me forcë tragjedia shekspiriane, doli kjo aksiomë që u quajt: krimi ndjell krimin.
Kështu po i ndodh edhe Metës. Duke dashur të shpëtojë nga krimi i vjedhjes që e ka mbi shpinë – se Meta do të jetë nga të parët që do të arrestohet nga SPAK – shkon dhe bën edhe një krim shtetëror. Ai po kërkon që me një akt administrativ të shtyjë datën e zgjedhjeve, të cilën e ka dekretuar vetë. Dhe data madje është edhe një kërkesë kushtetuese.
Por duhet të theksojmë se aksioma “krimi ndjell krimin” vjen për faktin se i inkriminuari gjithmonë kërkon që me krim t’i shpëtojë ndëshkimit. Kjo po i ndodhi edhe Metës.
Dhe ka folur dje se të hënën do të nxjerrë dekretin e tij antidekret. Domethënë asgjë. Mendon se me asgjënë mund të destabilizojë Shqipërinë që ky vetë të shpëtojë veten dhe gjënë e vjedhur.
Mafia dhe krimi i organizuar ka pasur dhe ka si natyrë terrorizmin për të shpëtuar nga ndëshkimi. Por edhe kjo e Metës është në fakt një akt Terrorist. Akti i tij administrativ, nëse vërtet del, është nul. Është i tillë sepse nuk ka forcë juridike. Domethënë nuk jep pasojë juridike.
Nëse maxhoranca dhe Parlamenti nuk e përfillin. Nuk ndodh asgjë.
Por, a mund të shkarkohet Presidenti për këtë shkelje? Sigurisht që po. Në një vend Perëndimor mund edhe të arrestohej në flagrancë. Nëse politika e lartë perëndimore e kërkon këtë, sepse do ta quajë një akt destabilizues në një vend sensibël të NATO-s, Meta edhe mund të arrestohet, se maxhoranca dhe qeveria aktuale e ka për detyrë.
Shqipëria është një vend i NATO-s në një zonë me rrezik destabilizues nga ndërhyrja Ruse. Po Metës, Moska ia ka kërkuar? Këtë duhet të na i thotë Uashingtoni.
Po Meta, a mund të tërhiqet? Fakti që nuk e nxori dekretin kërkon që të testojë ndërkombëtarët. E mira ishte që ta kish nxjerrë dekretin që shqiptarët të shpëtonin nga një i korruptuar ordiner që e kanë dhe President. Po shenjat janë që nuk do ta bëjë.
Një ditë më parë pak pas nisjes së protestës së opozitës, Presidenti anuloi dekretin e tij për datën e zgjedhjeve të caktuar më 30 qershor.
Kryeministri Edi Rama, zv/kryeministri Erion Braçe dhe kryebashkiaku Erion Veliaj, nëpërmjet reagimeve në rrjetet sociale kanë dhënë sinjalin që për ta 30 qershori është i pakthyeshëm. Rama vijoi sot fushatën e tij elektorale në Burrel.
Ndërsa kryeopozitari Lulzim Basha, dhe PDIU-ja ka mbështetur vendimin e presidentit Ilir Meta. Në reagimin e tij Basha theksoi se tashmë mungon vetëm largimi i Ramës.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryebashkiaku i Tiranës Erion Veliaj, ka zhvilluar një takim ditën e sotme me sipmatizantët e Partisë Socialiste në Baldushk. Ashtu si edhe kryemin...
TIRANË- Deputeti Lefter Maliqi ka reaguar lidhur me deklaratën e Ramës, i cili tha sot nga Burreli se Ilir Meta nuk duhet të qëndrojë më në atë zyrë.Në në ...
TIRANË- Zv. kryeministri Erion Braçe është shprehur se data e zgjedhjeve të 30 qershorit nuk ndryshojnë. Në një status në rrjetet sociale, Bracce u ...
TIRANË- Ish-deputeti Edi paloka është shprehur se vendimi i presidentit Ilir Meta është duke favorizuar Ramën.Në një status në Facebook, Braçe shkru...
BURREL– Kryeministri Edi Rama ndodhet në qytetin e Burrelit në takimin elektoral, pavarësisht se presidenti Ilir Meta deklaroi se zgjedhje nuk do të ketë më 30 ...
TIRANË– Kryeministri Edi Rama vijon të këmbëngulë edhe një herë tjetër se zgjedhjet do të zhvillohen më 30 qershor, pavarësisht se presidenti Ilir Meta dek...
TIRANË- Kreu i demokratëve, Lulzim Basha ka deklaruar se basshkimi i shqiptarëve bëri që të anulohen zgjedhjet e 30 qershorit, të cilat i quan farsë, teksa...
TIRANË– Shfuqizimi i dekretit për datën e zgjedhjeve nga Presidenti, përveç debatit për vlefshmërinë e tij, ka hapur edhe një debat për efektin e ti...
TIRANË– Njësoj si kryeministri Edi Rama edhe kryebashkiaku i Tiranës, Erion Veliaj ka vazhduar me përgatitjet e tij për fushatën elektorale.Në një status n...
TIRANË- Deklarata e një dite më parë ku Presidenti Ilir Meta anuloi zgjehdjet e 30 qershorit duke mos vendosur asnjë datë tjetër ka sjellë një valë reagime...