Bota

Borell bën thirrje për qetësim të situatës: Kosova dhe Serbia të tërheqin menjëherë forcat speciale dhe barrikadat

26 Shtator 2021, 14:16 Nga DOSJA
Borell bën thirrje për qetësim të situatës: Kosova dhe

BRUKSEL – Përfaqësuesi i Bashikimit Europian dhe shefi i diplomacisë së BE-së, Josep Borrell, u ka bërë thirrje Serbisë dhe Kosovës të ulin tensionet e krijuara në veri duke tërhequr menjëherë forcat speciale të policisë dhe barrikadat e vendosura.

Në një deklaratë të tijën për EEAS (European External Action Service), Borell ka deklaruar se po e ndjek shumë nga afër situatën në veriun e Kosovës dhe se provokimet që e përkeqësojnë situatën duhet të ndalojnë menjëherë.

“Unë vazhdoj ta ndjek nga afër situatën në veri të Kosovës. Serbia dhe Kosova duhet të de-përshkallëzojnë pa kushte situatën në terren, duke tërhequr menjëherë njësitë speciale të policisë dhe duke çmontuar postblloqet. Çdo provokim i mëtejshëm ose veprime të njëanshme dhe të pakoordinuara janë të papranueshme”, ka deklaruar ai.

Sipas tij, Kosova dhe Serbia duhet dialogojnë dhe të zgjidhin përplasjet pasi janë përgjegjëse për sigurinë e komuniteteve atje. Borell ka thkesuar gjithashtu se vetëm dialogu i udhëhequr nga BE-ja vazhdon të jetë platforma e vetme për të adresuar dhe zgjidhur të gjitha çështjet e hapura midis palëve, përfshirë ato që lidhen me lirinë e lëvizjes dhe targat.

“BE do t’i mbështesë në mënyrë aktive këto përpjekje. Udhëheqësit e Kosovës dhe të Serbisë janë plotësisht përgjegjës për çdo rrezik për sigurinë dhe mirëqenien e komuniteteve lokale si në Kosovë ashtu edhe në Serbi. E theksova këtë në thirrjet e mia me Presidentin Vuçiç dhe Kryeministrin Kurti këtë javë. Të dy kryenegociatorët që vijnë në Bruksel ditët në vijim është hapi i parë pozitiv. Thelbësore është që ata të vijnë me një mandat për të diskutuar rrugën përpara dhe për të gjetur zgjidhje të qëndrueshme që janë në interes të qytetarëve. Ne e përsërisim që ne presim që Kosova dhe Serbia të kthehen në nxitjen e një mjedisi të favorshëm për pajtimin, stabilitetin rajonal dhe bashkëpunimin në të mirë të qytetarëve të tyre. Kjo është thelbësore për arritjen e një marrëveshjeje gjithëpërfshirëse dhe ligjërisht detyruese për normalizimin e marrëdhënieve të tyre, e cila është e nevojshme që të dy të përparojnë në rrugët e tyre përkatëse evropiane”, ka shtuar ai.

Borell ka thënë se është në kontakt të vazhdueshëm me Sekretarin e Përgjithshëm të NATO -s, të cilin e falënderoj për bashkëpunimin e shkëlqyer mes KFOR -it dhe EULEX -it.
“KFOR luan një rol kyç në mbështetjen e stabilitetit rajonal në Ballkanin Perëndimor”, tha ai.

LAJMI KRYESOR: Dita e shtatë! Tensionet në veri të Kosovës, Albin Kurti takohet me liderët e opozitës, presidenti i KE: Të tërhiqen forcat policore dhe të vijojnë negociatat!

(m.k/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota be josep borrell veriu i kosoves be josep borrell veriu i kosoves

Sondazh

Poll

Bota 26 Shtator 2021, 12:42

SERBI– Komandanti i pensionuar i ushtrisë kufitare serbe, Dragutin Dimqevski, ka thënë se kërkesa e Tiranës për të tërhequr trupat nuk duhet të dëgjohet. ...

MË SHUMË