Bota

Lituania u bën thirrje njerëzve që të hedhin poshtë telefonat kinezë

23 Shtator 2021, 07:32 Nga DOSJA
Lituania u bën thirrje njerëzve që të hedhin poshtë

LITUANI – Një raport nga Qendra Kombëtare e Sigurisë Kibernetike testoi celularët 5G nga prodhuesit kinezë. Ata deklaruan se një telefon Xiaomi kishte mjete të integruara të censurës, ndërsa një model tjetër Huaëei kishte të meta sigurie. Huaëei tha se asnjë e dhënë e përdoruesit nuk transmetohet jashtë dhe Xiaomi tha se nuk censuron komunikimet.

“Rekomandimi ynë është që të mos blini telefona të rinj kinezë dhe të hiqni qafe ata që janë blerë sa më shpejt që të jetë e mundur,” tha zëvendësministrja e Mbrojtjes Margiris Abukevicius.

Telefoni i Xiaomi Mi 10T 5G  kishte softuer që mund të zbulonte dhe censuronte terma duke përfshirë “Tibetin e Lirë”, “Rroftë pavarësia e Tajvanit” ose “lëvizja demokratike”, thuhet në raport. Më shumë se 449 terma mund të censuroheshin nga aplikacionet e sistemit të telefonit Xiaomi.Në Evropë, kjo gjë ishte ç’aktivizuar në këto modele, por raporti argumentoi se mund të aktivizohej nga distanca në çdo kohë.

“Pajisjet Xiaomi kurrë nuk do të kufizojnë ose bllokojnë sjelljet personale të përdoruesve tanë të smartphone, të tilla si kërkimi, thirrja, shfletimi në internet ose përdorimi i softuerëve të komunikimit të palëve të treta”, tha një zëdhënëse për BBC.

Raporti gjithashtu theksoi një të metë në telefonin Huawei P40 5G, i cili i vuri përdoruesit në rrezik të shkeljeve të sigurisë kibernetike.

“Dyqani zyrtar i aplikacioneve Huawei AppGallery i drejton përdoruesit në dyqanet elektronike të palëve të treta ku disa prej aplikacioneve janë vlerësuar nga programet antivirus që kanë probleme ose janë plot viruse,” thuhej në deklaratën e Ministrisë së Mbrojtjes së Lituanisë.

Raporti vjen ndërkohë që tensionet mes Lituanisë dhe Kinës po rriten.Muajin e kaluar, Kina kërkoi që Lituania të largonte ambasadorin e saj nga Pekini dhe tha se do të tërhiqte të dërguarin e saj nga Vilnius.Grindja filloi kur Tajvani njoftoi se misionet e saj në Lituani do të quheshin “Zyra Përfaqësuese e Tajvanit.”Ambasadat e tjera tajvaneze në Evropë dhe Shtetet e Bashkuara përdorin emrin e kryeqytetit të vendit, Taipei, për të shmangur një referencë për vetë ishullin, të cilin Kina e pretendon si territor të vetin.

(m.k/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota lituania dhe kina ne konflikt margiris abukevicius. xiaomi dhe huawei dalin me virus lituania dhe kina ne konflikt margiris abukevicius. xiaomi dhe huawei dalin me virus

Sondazh

Poll

MË SHUMË