MAQEDONIA E VERIUT- Drejtorët e institucioneve publike shëndetësore (ISHP) në vend i dërguan një letër kryeministrit Zoran Zaev duke thënë se ata nuk pranojnë dorëheqjen e Ministrit të Shëndetësisë Venko Filipçe dhe nënvizojnë se i japin mbështetje të pa rezervë për të qëndroj në krye të Ministrisë së Shëndetësisë. Alsat.mk shkruan se në letrën drejtuar Zaev shkruhet se Tetova i ka prekur të gjithë njerëzit, por pavarësisht kësaj, Filipçe nuk mund të japë dorëheqjen pasi vendi është në kaos komplet për shkak të pandemisë dhe sëmundjeve të tjera.
“I nderuar kryeministër, në kulmin e valës së katër të pandemisë me koronavirus, ku numrat e pacientëve të hospitalizuar dhe për fat të keq edhe të viktimave nuk kanë të ndalur, dhe kur i gjithë sistemi shëndetësorë po lufton jo vetëm me koronën, por edhe më të gjitha sëmundjet tjera kronike, na ndodhi një tragjedi e madhe. Tetova na ka prekur të gjithë neve, para së gjithash si njerëz, mjekë dhe si menaxher të institucioneve shëndetësore në shtetin tonë. Nuk jemi imunë ndaj dhimbjes për jetët e humbura, edhe pse punojmë në sistem ku çdo ditë shpëtohen dhe shuhen jetë njerëzish. Dhimbën e bartim me vete. Edhe Tetova është dhimbje për të gjithë ne. Shprehim ngushëllime të sinqerta deri tek familjarët dhe të afërmit e viktimave”, thuhet në letrën e drejtorëve.
Pandemia nënvizojnë ata në letër, akoma po vazhdon ndërsa spitalet janë të stërmbushur me pacientë. Potencojnë se për momentin 1112 pacientë me simptoma të rënda po shërohen në Covid qendrat, rreth 30 pacient janë në respirator, ndërsa afro 700 në oksigjeno-terapi.
“30 pacientë sot po luftojnë për jetë. Po kurohen në sistem të cilin e vendosi dhe çdo ditë e menaxhon bashkë me gjithë ne Venko Filipçe. Ai ën fakt është shtylla e këtij sistemi, sistem i cili u dëshmua se shpëton jetë. Falë atij sistemi arritëm që të shërojmë të sëmurët nga kovidi dhe njëkohësisht të kujdesemi edhe për të gjithë pacientët e tjerë me sëmundje të tjera, që nga fillimi i pandemisë. U sollën vendime të vështira, vendime të cilat ishin kyçe dhe ndihmuan që të dalim nga vala e dytë, e tretë dhe me sukses të përballemi e valën e katërt të pandemisë. Të lodhur, rraskapitur, ndonjëherë edhe të demoralizuar, të përballur edhe me zemërimin e qytetarëve. Në gjithë me ne ishte edhe Filipçe. Njeriu i cili gjithmonë merrte mbi vete barrën e vendimeve të përbashkëta. Ai është udhëheqës dhe partner konstruktiv Ai është njeriu që na udhëhoq në momentet më të vështira, njeriu i cili gjithmonë besonte në sistemin dhe kolegët e tij. Ai e njeh sistemin shëndetësor, mangësitë e tij dhe mundësit. Gjatë 18 muajve të kaluar slogani “ Dëgjo Venkon”, nuk ishte vetëm slogan, ishte mënyra e jetesës, jo vetëm për ne, por edhe për gjithë shtetin. I nderuari kryeministër, mos e pranoni dorëheqjen e ministrit Filipçe, vetëm merreni si akt i lart moral të një njeriu që demonstron shkallë të lartë të etikës, moralit dhe altruizmit. I nderuar Filipçe, vazhdoni të na motivoni, që të mund ti shndërrojmë emocionet në iniciativa për një sistem më të mirë shëndetësor. Nuk ka dorëheqje për ministrin Filipçe”, shkruhet në letër.
Ministri i Shëndetësisë në Maqedoninë e Veriut, Venko Filipçe dha dorëheqjen ditën e djeshme, pasi ndihej fajtor për zjarrin që shpërtheu në spitalin modulat të Covid në Tetovë.
(I.A/dosja.al)
Iftar dhe politikë, a u prek Muaji i Ramazanit nga politikanët?
MAQEDONIA E VERIUT- Sot janë tre ditë nga shpërthimi i zjarrit në mbrëmjen e 8 shtatorit në Tetovë. Zjarr, i cili i mori jetën 14 personave dhe plagosi 12 të tj...
KOSOVË- Kryeministri i Kosovës, Albin Kurti është shprehur është kundër idesë së shkëmbimit të territoreve me Serbinë. Në një intervistë opër Aljazeerën, K...
KOSOVË- Ministria e Shëndetësisë në Kosovë, sipas të dhënave nga Instituti Kombëtar i Shëndetësisë Publike, ka njoftuar se nga 9.634 testime, 583 qytetarë ...
SHBA- Ceremonia e përkujtimit të sulmeve të 11 shtatorit ka nsur ditën e sotme në New York. The Guardian shkruan se në ceremoninë që do të mbahet në Ground Zero...
TETOVË- Në Tetovë të Maqedonisë së Veriut më 11 shtator mijëra qytetarë po marshojnë, për të kujtuar 14 viktimat e incidentit në spitalin modular të këtij ...
FRANCË- Ministri francez i Shëndetësisë Olivier Veran njoftoi gjatë një interviste një ditë më parë se së shpejti, të gjitha gratë e moshës 25 e poshtë do ...
SHBA- Sulmi terrorist i 11 shtatoritnë SHBA e goditi në zemër Amerikën. Shumëfish. Një sulm, që në këtë formë nuk kishte ndodhur kurrë në tokën amerikane. Jo ve...
BULLGARI- Bullgaria do të mbajë zgjedhje të parakohsgme të përgjithshme më 14 nëntor. The Guardian shkruan se këtë gjë e ka bërë ët ditur Presidenti bullgar Rum...
KOSOVË- Insitituti Kombëtar i Shëndetit Publik në Kosovë ka rekomanduar që zgjedhjet lokale të 17 tetorit të shtyhen. Gazeta Ekspress shkruan se në letrën ...
ANGLI- Gjashtë persona u arrestuan ditën e sotme në brigjet e Plymouth pasi u kapën me më shumë se dy ton kokainë. The Guardian shkruan se kokainë kishte një vl...