Bota

Rindizet konflikti/Palestinezët protestë pranë rripit të Gazës kundë bllokadës izraelite, të paktën 41 të plagosur

23 Gusht 2021, 06:49 Nga DOSJA
Rindizet konflikti/Palestinezët protestë pranë rripit të

IZRAEL– Grupet palestineze në Gaza janë zotuar të vazhdojnë protestat përgjatë kufirit për t’i bërë presion Izraelit të heqë bllokadën e tij dhe të lejojë rindërtimin e Gazës pas sulmit të fundit 11-ditor izraelit.

Sipas Aljazeera, fraksionet, të drejtuara nga sundimtarët e Hamasit në Gaza, mbajtën një konferencë shtypi të dielën pasdite në lindje të Gazës pranë gardhit izraelit, ku protesta u zhvilluan të Shtunën, në të cilat dhjetëra protestues palestinezë u plagosën nga zjarri i hapur drejtpërdrejtë nga Izraeli.

Në një deklaratë të përbashkët të lëshuar pas konferencës për shtyp, grupet, të cilat përfshinin gjithashtu Xhihadin Islamik, Fronti Popullor i majtë për Çlirimin e Palestinës (PFLP), si dhe fraksione të tjera më të vogla-deklaruan se okupimi izraelit duhet të mbajë përgjegjësinë për pengimin e saj në rindërtimin e Gazës dhe për bllokimin.

“Ne i bëjmë thirrje popullit tonë të vazhdojë kryengritjen e tij popullore në Gaza dhe të zgjerojë pikat e përfshirjes me pushtimin, dhe aktiviteti ynë popullor do të vazhdojë sipas një plani … ne nuk do të pranojmë vazhdimin e rrethimit.”-thuhej në deklaratë.

Të shtunën qindra palestinezë protestuan në gardhin që ndan Gazën dhe Izraelin për të shënuar 52 vjetorin e djegies së kompleksit të Xhamisë Al-Aksa në Jeruzalemin Lindor të pushtuar dhe për të tërhequr vëmendjen ndaj bllokadës që Izraeli i ka vendosur Rripit të Gazës që nga viti 2007 kur Hamasi mori kontrollin e zonës.

Zjarri i drejtpërdrejtë i forcave izraelite plagosi të paktën 41 palestinezë, përfshirë një djalë 13-vjeçar i cili mbetet në gjendje kritike pasi u qëllua në qafë. Të shtunën në mbrëmje, avionët luftarakë izraelitë goditën pozicionet ushtarake të Hamasit në Rripin e Gazës në përgjigje. Nuk raportohet për viktima.

Bllokada e imponuar nga Izraeli dhe Egjipti ka dëmtuar ekonominë e Gazës dhe kushtet e jetesës janë përkeqësuar në mënyrë drastike pas secilit prej katër operacioneve të gjera ushtarake që Izraeli filloi në Rripin e Gazës që nga vendosja e bllokadës.

Gjatë 11 ditëve të luftimeve në maj, Izraeli bombardoi Gazën me sulme ajrore, ndërsa grupet palestineze lëshuan raketa në Izrael. Më shumë se 250 palestinezë u vranë, përfshirë 67 fëmijë dhe 39 gra, dhe 1,710 persona u plagosën, sipas ministrisë së shëndetësisë në Gaza. Trembëdhjetë izraelitë u vranë, përfshirë një djalë pesëvjeçar dhe një vajzë 16-vjeçare.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota hamasi lufta izrael-palestine rripi i gazes hamasi lufta izrael-palestine rripi i gazes

Sondazh

Poll

Bota 23 Gusht 2021, 06:39

HAITI– Natën e 22 deri më 23 gusht 1791, në Santo Domingo (sot Haiti dhe Republika Dominikane) u pa fillimi i kryengritjes që do të luante një rol vendimt...

Bota 22 Gusht 2021, 19:00

KOSOVË– Personat që po shikoni janë dy të rinjtë që kanë hedhur të vdekurën 20-vjeçare në derën e spitalit në Ferizaj. Ata janë paraqitur në d...

MË SHUMË