Aktualitet

Aksioni në Hipotekë, policia nxjerr njoftimin zyrtar: Tre të arrestuar, një i pezulluar dhe dy nën hetim

26 Korrik 2021, 19:07 Nga DOSJA
Aksioni në Hipotekë, policia nxjerr njoftimin zyrtar: Tre të

TIRANË- Gazmend Canaj, Admir Burri dhe Neritan Bablusha janë tre të arrestuarit nga SPAK ditën e sotme në operacionin që bënë në Kadastrën e Tiranës. Në njoftimin e policisë , bëhet me dije se në operacionin e sotëm janë arrestuar 3 persona, 2 janë nën hetim,një i pezulluar dhe një person tjetër i shpallur në kërkim. Personat nën hetim janë me iniciale B.H 59 vjeç dhe G.B 58 vjeç, ndërkohë që personi i pezulluar nga detyra është Panol At-Nikolla. Personi i shpallur në kërkim është me iniciale I.A, dhe dyshohet se ka bërë veprën penale të korrupsionit.

Njoftimi i policisë:

Tiranë. Finalizohet operacioni policor i koduar “Ndërmjetësi” Operacioni nga Sektori për Hetimin e Krimit Ekonomik dhe Finaciar në DVP Tiranë nën drejtimin e SPAK. Vihen në pranga 3 shtetas. Seksioni për Hetimin e Korrupsionit në Drejtorinë Vendore të Policisë Tiranë, në bashkëpunim me Forcën Operacionale të Drejtorise Vendore të Policise Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar Tiranë, në kuadër të Procedimit Penal të vitit 2021, pas një punë intensive disa mujore, finalizoi me sukses operacionin policor “Ndërmjetësi”.

Në kuadër të operacionit u bë ekzekutimi i urdhërave të lëshuar nga Gjykata e Posaçme të Shkallës së Parë Kundër Korrupsionit dhe Krimit të Organizuar Tiranë, e cila ka caktuar masë sigurimi personal “Arrest në burg” ndaj shtetasve:

Gazmend Canaj, 49 vjeç, banues në Tiranë, i dyshuar për kryerjen e veprës penale “Ushtrimi i ndikimit te paligjshëm ndaj personave që ushtrojnë fuksione publike”; Admir Burri., 44 vjeç, banues në Tiranë, i dyshuar për kryerjen e veprës penale “Ushtrimi i ndikimit te paligjshëm ndaj personave që ushtrojnë fuksione publike”; Neritan Bablusha,52 vjeç, banues në Tiranë, i dyshuar për kryerjen e veprës penale “Ushtrimi i ndikimit te paligjshëm ndaj personave që ushtrojnë fuksione publike”;

Po në kuadër të operacionit u bë ekzekutimi i masës se sigurimit personal me karakter shtërngues “Detyrimi për t’u paraqitur në policinë gjyqesore” ndaj personave nën hetim: B.H, 59 vjeç, lindur dhe banues në Tiranë, i dyshuar për kryerjen e veprës penale “Korrupsioni aktiv i personave që ushtrojne fuksione publike”; G.B, 58 vjeç, banues në Tiranë, i dyshuar për kryerjen e veprës penale “Korrupsioni aktiv i personave që ushtrojne fuksione publike” .

Gjithashtu, u bë ekzekutimi i masës së sigurimit personal me karakter shtërngues “Pezullimi i ushtrimit të detyres apo shërbimit publik” ndaj personit nën hetim: Panol At-Nikolla, 39 vjeç, banues në Tiranë, me detyre punonjes i Drejtorisë Vendore të ASHK Tirane Rurale 2, i dyshuar për kryerjen e veprës penale “Korrupsioni pasiv i personave që ushtrojne fuksione publike” .

Si dhe u bë shpallja në kërkim policor i shtetasit me iniciale “I.A”, për të cilin Gjykata ka vendosur cakatimin e masës së sigurimit personal me karakter shtërngues “Detyrimi për t’u paraqitur në policine gjyqesore”, si i dyshuar për kryerjen e veprës penale “Korrupsioni aktiv i personave që ushtrojne funksione publike” .

Materialet proçeduriale i‘u kaluan Prokurorisë së Posaçme Kundër Korrupsionit dhe Krimit të Organizuar Tiranë, në ngarkim të shtetaseve të sipërcituar, për veprat penale “Korrupsioni pasiv i personave që ushtrojne fuksione publike”, “Ushtrimi i ndikimit të paligjshëm ndaj personave që ushtrojnë fuksione publike”, “Korrupsioni aktiv i personave që ushtrojne fuksione publike”.

LAJMI KRYESOR: SPAK zhvillon aksion në zyrat e Hipotekës në Tiranë, arrestohen tre zyrtarë, falsifikuan dokumente pronash në këmbim të parave

(I.A;f.m/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet admir burri gazmend canaj neritan bablusha panol at-nikolla spak ne hipoteken e tiranes admir burri gazmend canaj neritan bablusha panol at-nikolla spak ne hipoteken e tiranes

Sondazh

Poll

MË SHUMË