Bota

Kurti takon diasporën në Prishtinë: Në Kosovë për 4 muaj ndryshoi gjithçka

22 Korrik 2021, 20:27 Nga DOSJA
Kurti takon diasporën në Prishtinë: Në Kosovë për

KOSOVË- Kryeministri i Kosovës Albin Kurti ka takuar pasditen e sotme diasporën në “Parkun e Qytetit” në Prishtinë. Telegrafi shkruan se Kurti para tyre tregoi arritjet e qeverisë së tij në këto katër muaj që ka qënë në pushtet. Ai u tha emigrantëve se muajt e qeverisjës së tij kanë treguar se në Kosovë është e mundur që të punohet dhe se vendi të ndryshojë për mirë.

“Gjatë këtyre katër muajve kemi dëshmuar që vërtet është e mundshme, ndryshe dhe shumë më mirë në Kosovë në çdo aspekt. Përderisa në fushën e luftimit të korrupsionit e të krimit pak a shumë të gjithë e keni përshtypjen, unë jam i lumtur edhe në aspektin ekonomik Kosova ka përparime. Psh doganat e Kosovës në pesë muajt e vitit përherë të parë e kanë kaluar nivelin prej 500 milionë eurove të hyra dhe kjo është 28 për qind më shumë se vitin e kaluar… Eksportet janë rritur për 66% qarkullim në ekonomi 15 % dhe presim që buxheti i Kosovës që është 2.5 miliardë të na mundësoj me qeverisjen tonë të mirë ta përmbyllim vitin me së paku 7.9% të bruto produktit vendor si rritje ekonomike për Kosovën”, tha ai.

Kurti në fjalën e tij gjithashti përmendi edhe bonot e thasarit, ku shtoi se gjithashtu shtuan bonot e diasporës, shitjet e të cilave filluan që sot.

“Kemi filluar edhe me bonot e thesarit. Tashmë i kemi bonot e diasporës të veçanta ofertat në vlerë të gjithmbarshme prej rreth 1 milionë euro që nuk është keq për ditën e parë. Në javët qe vijnë do të përballemi me pandeminë Covid19, kësaj radhe me mjete të shtuara për shkak të vaksinave që i kemi sigluara, por gjithashtu edhe duke respektuar distancën fizike në mënyrë që çfarëdo varianti i ti të mos rrezikoj shëndetin publik. Por edhe krizat tjera ekonomike sociale që kanë qenë dhe vazhdojnë edhe kësaj dite do ta kenë një kabinet të ministrave që do të punojnë ditë e natë dhe që sigurisht qe do t’i ngadhënjej për hir të qytetarëve,” tha ai.

Në fund të fjalës së tij, Kurti falenderoi emigrantët në ndihmën që u kanë dhënë Kosovës, si dhe për pjesmarrjen e tyre masive në zgjedhje.

“Në veçanti ju falënderoj për pjesëmarrjen demokratike në zgjedhjet që janë bërë në Kosovë dhe keni ndikuar për ndryshimet qe janë realizuar dhe do të realizohen por dhe që të mos ngelemi vetëm ata që dërgojnë mjete financiare por që ta kenë edhe zërin politik e publik. Nuk ju shohim vetëm si burim i të ardhurave për familjet tuaja dhe atdheun tonë por edhe si burim j dijes i shkathtësive i profesioneve meqenëse studentët, profesionistët e akademikët ndër më të mirët që i ka shteti ynë e kombi ynë janë po ashtu në mërgatën tonë”, tha Kurti.

(I.A/dosja.al)

Iftar dhe politikë, a u prek Muaji i Ramazanit nga politikanët?

View Results

rajoni rajoni albin kurti kurti bisedim me emigrantet albin kurti kurti bisedim me emigrantet

Sondazh

Poll

MË SHUMË