Bota

Sidnei regjistron vdekjen e parë nga Covid teksa ndërsa varianti Delta po bëhet shqetësues në Australi

12 Korrik 2021, 07:31 Nga DOSJA
Sidnei regjistron vdekjen e parë nga Covid teksa ndërsa varianti Delta

AUSTRALI– Duke shtuar frikën e një shpërthimi tjetër të mundshëm të pandemisë, Australia njoftoi vdekjen e saj të parë në lidhje me koronavirusin në Sidnei.

Kjo vdekje ka ardhur ndërsa Sidnei po lufton për të kontrolluar përhapjen e variantit Delta i cili gjithashtu është etiketuar si një “variant shqetësues” nga Organizata Botërore e Shëndetësisë (OBSH).

Sipas mediave vendase, gruaja ishte në të 90-at e saj dhe ndërroi jetë disa orë pasi ajo doli pozitive me koronavirus. Ajo u bë viktima e parë që vdiq nga një infektim i marrë në vend që nga përhapja e variantit Delta.

Autoritetet lokale kanë paralajmëruar njerëzit të qëndrojnë brenda, të praktikojnë distancimin shoqëror dhe të mbajnë maskë fytyre në çdo kohë kur shkelin jashtë.

“Nesër dhe disa ditë më pas do të jenë më keq, shumë më keq sesa kemi parë sot,” tha Kryeministri i shtetit të Uellsit të Ri Jugor, Gladys Berejiklian.

Vdekja ka ardhur ndërsa Sidnei hyn në javën e tretë të bllokimit, edhe pse rastet kanë qenë alarmante në rritje.

“Duke pasur parasysh se ku jemi dhe duke pasur parasysh bllokimin që supozohej të hiqej të Premten, të gjithë mund të thonë se është shumë e pamundur në këtë fazë, duke pasur parasysh se ku janë numrat,” tha Berejiklian.

Për të paralajmëruar qytetarët ndaj një shpërthimi të mundshëm vdekjeprurës, qeveria e Australisë ka filluar një fushatë të re reklamuese që i nxit njerëzit të qëndrojnë vigjilentë dhe të ‘armatosen’ kundër koronavirusit duke u vaksinuar dhe duke qëndruar në shtëpi.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota koronavirusi ne australi vaksinimi ne australi varianti delta koronavirusi ne australi vaksinimi ne australi varianti delta

Sondazh

Poll

MË SHUMË