Bota

‘BE-ja mban fjalën’, Von Der Leyen: Me dozat e shpërndara brenda korrikut vaksinohen 70% e të rriturve

10 Korrik 2021, 12:00 Nga DOSJA
‘BE-ja mban fjalën’, Von Der Leyen: Me dozat e shpërndara

BRUKSEL– Bashkimi Evropian ka shpërndarë mjaftueshëm doza vaksinash ndaj koronavirusit në vendet anëtare për të arritur një objektiv për të vaksinuar plotësisht të paktën 70% të të rriturve në bllok, tha shefja e Komisionit Evropian, Ursula von der Leyen.

Sipas Reuters, Von der Leyen, e cila kishte postuar në Twitter në 9 maj se BE-ja ishte në rrugën e duhur për të përmbushur qëllimin e saj për të vaksinuar 70% të të rriturve deri në verë, u kërkoi vendeve të BE-së të rrisin vaksinimet dhe tha se rreth 500 milion doza do të shpërndahen në të gjithë unionin deri të Dielën.

“Bashkimi Evropian e ka mbajtur fjalën. Këtë fundjavë ne kemi shpërndarë mjaft vaksina në vendet anëtare që të jenë në gjendje të vaksinojnë plotësisht të paktën 70% të të rriturve të BE këtë muaj, “- tha von der Leyen në një deklaratë.

Von der Leyen në fillim të 2021 u përball me kritika të shumta për dështimin e BE-së në sigurimin e vaksinaveve për vendet anëtare, pas vonesave të krijuara nga kompanitë farmaceutike.

“Por COVID-19 nuk është mundur ende. Ne jemi të përgatitur për të shpërndarë më shumë vaksina, përfshirë edhe kundër varianteve të reja.‘- përfundoi ajo.

Von der Leyen shtoi në deklaratën e saj të fundit se BE-ja ishte e përgatitur të jepte më shumë doza, përfshirë vaksinat që veprojnë kundër varianteve të reja. BE-ja, e cila po koordinon blerjen e vaksinave për vendet e saj anëtare, është mbështetur kryesisht në goditjen e zhvilluar nga BioNTech dhe Pfizer, por po blen gjithashtu një numër vaksinash të tjera.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota koronavirusi ne be ursula von der leyen vaksinimi ne be varianti delta koronavirusi ne be ursula von der leyen vaksinimi ne be varianti delta

Sondazh

Poll

MË SHUMË