TIRANË– Sot, më 7 korrik të gjithë deputetët e Opozitës së re janë ulur për herë të fundit në karrigen e Kuvendit të Shqipërisë, pasi nuk do të kthehen më në shtator. Përveç tyre, ai që ka dhënë lamtumirë gjithashtu është edhe kryetari i Kuvendit, Gramoz Ruçi, i cili ka lajmëruar më herët largimin nga politika. Ruçi e mori fjalën i pari, bëri një bilanc të punës dhe në fund falenderoi të gjithë kolegët e tij. Në fund të fjalimit, deputetët u ngritën në këmbë e më pas i dhanë lule.
Selami Jenishehri, Myslim Murrizi, Ralf Gjoni, Spartak Braho e disa të tjerë nga më shumë se 80 deputetë që nuk do të jenë më në Kuvend në legjislaturën e re, bënë gjithashtu përshëndetjet e tyre të fundit. Braho tha se nuk ka asnjë mundim dhe se qëllimi i tij ishte largimi i ish-kryeministrit Sali Berisha nga politika. Sipas Brahos Berisha nuk do të futet në parlament në muajin shtator.
Murrizi i bëri thirrje SPAK që të gërmojë akoma më shumë në tendera korruptivë pasi sipas tij PS dhe PD kuptohen shuë mirë. E ndërsa Jenishehri kërkoi përsëritje zgjedhjesh. Ai tha se deputetët që janë në Kuvend janë më të poshtrit e historisë pasi kanë thyer nenin 24 i Kodit Zgjedhor për votën e emigrantëve. Sipas Jenishehrit, zgjedhjet parlamentare të 25 prillit do të përsëriten. I pyetur për vazhdimin e karrierës së tij, Jenisheri tha se do të vijojë betejën në gjykatë për përsëritjen e zgjedhjeve parlamentare.
Kuvendi zgjodhi me 83 vota “pro” që të shpërfillë gjithë rekomandimet kundër për zgjedhjen e Armela Krasniqit në krye të Autoritetit të Medias Audiovizive. Në seancën e fundit, deputetët vendosën që të dalin kundër thirrjeve të ndërkombëtareve dhe vetë Bashkimit Europian duke vendosur Krasniqin në postin e saj të ri. Krasniqi mori shumicën e votave, ndërkohë që Alketa Dibra mori vetëm 9 vota pro. Nga ana e Partisë Demokratike ka pasur kritika dhe denoncime në lidhje me garën e zhvilluar. Konkretisht deputetja e zgjedhur e Partisë Demokratike, Albana Vokshi ka deklaruar se fituesi është paracaktuar. Sipas PD-së, për të drejtuar AMA-n është zgjedhur Armela Krasniqi, pasi ishte zëdhënësja e kryesocialistit Edi Rama. Sipas PD-së kryeministri pretendon të kapë edhe institucionin e AMA-s. Sot Delegacioni i Bashkimit Europian në Tiranë ka kërkuar që zgjedhja e kryetarit të AMA-s, të shtyhet për në muajin shtator në legjislaturën e ardhshme.
Delegacioni i OSBE në Shqipëri i ka bërë thirrje maxhorancës që të garantojë një proces gjithëpërfshirës për zgjedhjen e emërimin e kryetarit të ri të AMA-s. Ndërsa, ambasada Britanike në Tiranë tha se po ndjek procesin për të garantuar profesionalizmin e AMA-s përmes zgjedhjes së kandidatëve të pavarur në strukturat drejtuese të institucionit. Pavarësisht kërkesës së delegacioni i Bashkimit Europian, Balla tha se emri për postin e kryetarit të AMA-s do të zgjidhet sot, dhe ashtu u bë .
(F.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Ambasadori i Bashkimit Europian në Shqipëri, Luigi Soreca ka zhvilluar një takim me kryedemokratin Lulzim Basha. Krahas fotove të shkrepura gjatë t...
TIRANË– Gramoz Ruçi njoftoi vetëm pak kohë më parë që do të largohej nga politika për t’u lënë vendin të tjerëve. Sot ai ka drejtuar seancën e fundi...
TIRANË– Kuvendi i Shqipërisë ka zgjedhur me 83 vota “pro” që të shpërfillë gjithë rekomandimet kundër për zgjedhjen e Armela Krasniqit në krye të Autoritet...
TIRANË– Partia Demokratike do të padisë në Gjykatën Administrative vendimin e Komisionin e Ankesave dhe Sanksioneve, KAS për lënien në detyrë të krye...
TIRANË– Kuvendi i Shqipërisë ka votuar me 83 vota, Armela Krasniqin për të marrë postin në krye të Autoritetit të Medias Audiovizive. Krasniqi mori shumicë...
TIRANË– Kryeministri Edi Rama ka shkarkuar nga detyra kryebahskiakun e Lushnjes, Fatos Tushe. Kryebashkiaku, i cili u arrestua një ditë më parë me urdhër t...
TIRANË– Kreu i Partisë Demokratike, Lulzim Basha ka reaguar pas votimit në Kuvend për kreun e ri të AMA-s.Përmes një postimi të ndarë në ‘Twitter’ Basha sh...
TIRANË– Deputeti Kujtim Gjuzi ka mbajtur ditën e sotme në Kuvbend fjalimin e tij të fundit si deputet. Gjatë fjalës së tij, Gjuzi u shpreh se ditën e...
TIRANË– Prokurori i përgjithshëm, Olsian Çela tha se mbledhja e provave nga institucionet publike dhe jopublike do të ulë kohën e hetimit dhe do të ...
TIRANË– Ditën e sotme, deputetët e opozitës, por edhe mazhorancës u ulën për herë të fundit në Kuvend, pasi u zhvillua seanca e fundit parlamentare për kët...
