Sport

Tifozët përshëndesin ‘aktin’ e trajnerit Mancini, që aktivizoi portierin Sirigu

21 Qershor 2021, 05:58 Nga DOSJA

ITALI – Roberto Mancini është vlerësuar për një ‘akt klasi’, pas vendimit të tij për të aktivizuar ndaj Uellsit edhe portierin rezervë të Italisë, Salvatore Sirigu. Portieri veteran, 34 vjeçar, u fut në fushën e lojës, në fitoren 1-0 kundër Uellsit të mbetur 10 lojtarë, duke zëvendësuar Gianluigi Donnarumma në minutën e 89-të të ndeshjes.

Vendimi për të aktivizuar edhe Sirigu, u mor nga Mancini, duke pasur parasysh keqardhjen e tij në Kupën e Botës 1990. Legjenda e Sampdorias, asokohe ishte pjesë e skuadrës “Azzure”, por kurrë nuk luajti asnjë minutë në atë turneu, çka është edhe pengu i madh në karrierën e tij.

Në ndeshjen ndaj Uellsit, trajneri Mancini bëri ndryshime në shumicë në skuadrën e tij me vetëm Donnarumma, Jorginho dhe Leonardo Bonucci, që kishin luajtur në dy ndeshjet e para. Gaetano Castrovilli, Francesco Acerbi dhe Giacomo Raspadori, gjithashtu luajtën nga stoli.

Me aktivizimin e Sirigiu, 25 nga 26 lojtarët e grumbulluar nga trajneri Mancini në skuadër, kanë luajtur në “Euro2020”. Vetëm portieri i tretë, Alex Meret, 24 vjeç, ende nuk ka luajtur.

Veprimi i Mancinit për t’i dhënë edhe pak minuta portierit të tij rezervë ka fituar brohoritje nga tifozët, ku shumë prej tyre e quajnë atë një “akt klasi”. Një tifoz e përmblodhi gjithçka kur shkruante: “Mancini është klas i pastër. Nuk është çudi që lojtarët e duan atë.”