Aktualitet

Kapuç si RENEA dhe xhup OFL! Mbyllen hetimet për dy vrasjet e bujshme në Durrës, Talo Çela e Nuredin Dumani ekzekutuan vël

16 Qershor 2021, 14:47 Nga DOSJA
Kapuç si RENEA dhe xhup OFL! Mbyllen hetimet për dy vrasjet e

TIRANË– Prokuroria e Posaçme Kundër Korrupsionit dhe Krimit të Organizuar kanë mbyllur hetimet për të shumë kërkuarin Talo Çela dhe grupin e tij, që akuzohen për vrasjen e dy vëllezërve, Besmir e Viktor Haxhia, ngjarje e ndodhur më 27 prill të vitit të kaluar. Gazetarja Klodiana Lala tha për News 24, se për mbylljen e hetimeve, prokuroria është bazuar në dëshminë e dhënë nga i penduari i grupit, Klevis Alla.

Mbështetur në dëshminë e të penduarit Alla, SPAK finalizoi hetimet dhe ngriti akuza zyrtare, për të shumëkërkuarit Talo Çela e Nuredin Dumani si dhe ndaj Altin Ndocit, që janë mnarrë të pandehur për vrasjen e dy vëllezërve Besmir e Viktor Haxhia, si dhe të Dorian Shkozës e Anxhelo Avdisë, ngjarje e ndodhur në mars të vitit të shkuar.

Çela, Dumani e Ndoci akuzohen për veprat penale ‘vrasje në rrethana cilësuese’, ‘pjesëmarrje në grup të strukturuar kriminal’, dhe ‘armëmbajtje pa leje’. Përpara grupit hetimor, Alla ka shpjeguar se ishte Nuredin Dumani, ai që i dërgoi foton e Besmir Haxhisë dhe i tha se do ta vriste. Ai thotë se automjetin që përdorën në vrasje e bleu Nuredini në zonën e Astirit, ndërsa atij i kishin premtuar 10 mijë euro që të kishte rolin e shoferit gjatë vrasjes. Alla shton më tej se ai e kishte refuzuar këtë rol, por Dumani dhe Çela e kanë kërcënuar më pas. Para hetuesve ai tregon se u takua me ekzekutorët, Dumani e Çela tek tuneli në Shënavlash, pak minuta para se të qëllonin për vdekje dy vëllezërit. Sipas tij, Dumani kishte kapuç si RENEA, xhup pa krahë me mbishkrimin OFL, ndërsa Talo Çela kishte maskë me fytyrë njeriu. Vetë Alla tregon se ka qenë ai që e ka nxjerrë në pritë Besmir Haxhinë, të cilin e ka marrë në telefon dhe i ka thënë ‘dil të marrësh borxhin’. Sipas Allës grupi ishte përçarë pasi në lojë ishin future paratë e grabitjes së Rinasit.

Rrëfimi i Klevis Allës:

Besmir Haxhinë e nxora unë në pritë. I telefonova dhe i thashë hajde të të jap lekët e borxhit. E lamë të shiheshim te tregu i makinave. Kur pashë makinën e tij e parakalova. Atë moment Talo Çela dhe Nuredin Dumani, qëlluan me breshëri. Sulmi zgjati 3 minuta. Ne nuk e dinim që në makinë me të ishte edhe vëllai tjetër Viktori. Për vrasjen e Dorian Shkozës, dua të them se Talon e informoja unë për lëvizjet e tij. Vrasjen e Dorianit mendoj e ka bërë Besmir Haxhia dhe Talo, nisur nga karakteristikat trupore. Shofer s’e di kush ka qenë.

Kur mbërrita te tuneli në Shënavlash, aty ishte Talo Çela, Altin Ndoci e Nuredini. Talo kishte maskë me fytyrë njeriu. Nuredini kapuc si RENEA, xhup pa krahë me mbishkrimin OFL. Ata zbritën nga makina e tyre dhe morën 3 armë në bagazh. Unë shkova deri aty t’ju dërgoja makinën. Por Talo me kërcënoi: Ma ke thënë, ti do vish me se sbën dhe me ka kërcënuar. Hipa në Toyotan me targa AA 375 XN. Të tre u futën në automjet. Unë telefonova Besmir Haxhinë dhe lashë takimin. Armët i hodha në kanalin përballë xhamisë me dy minaret.

Makinën e lashë te varrezat në Arapaj. Të nesërmen kam shkuar me biçikletë te makina dhe kam mbledhur gëzhojat dhe i futa në një qese, të cilën e hodha në një rezervuar. Më telefonoi polici, Arbeni më kërkoi të shkoja në polici. U tremba, por vendosa të shkoj. Tregova ngjarjen. Dërgova policinë te vendi ku hodha armët. Polumbarët i gjetën. I tregova dhe vendin ku hodha qesen me gëzhojat dhe vendin ku lashë makinën e çelesin e saj. Pas ngjarjes në Rinas, filloi përçarja e grupit të Talo Çelës, Dorian Shkozës, Altin Ndocit e Besmir Haxhisë. Përçarja filloi pasi hyri në lojë lek i madh nga vjedhja e Rinasit.

Vëllezërit Haxhia u ekzekutuan më 27 prill 2020 brenda makinës së tyre, të llojit “Voklswagen”, me 55 plumba, tek parku i tregut të makinave në Durrësit, aty ku kishin edhe një biznes të tyrin. Ngjarja ka ndodhur vetëm një kilometër larg zonës ku janë vrarë më 2 mars të të njwjtit vit dy të rinjtë, Anxhelo Avdia dhe Dorian Shkoza. Avdia e Shkoza ishin duke ecur në këmbë kur u qëlluan nga një makinë në ecje.

(f.m/Dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet anxhelo avdia besmir haxhia dorian shkoza nuredin dumani talo çela viktor haxhia vrasje ne nishtulle anxhelo avdia besmir haxhia dorian shkoza nuredin dumani talo çela viktor haxhia vrasje ne nishtulle

Sondazh

Poll

MË SHUMË