Bota

Alarm për bombë në Prishtinë, evakuohet Këshilli Gjyqësor i Kosovës

24 Maj 2019, 10:35 Nga DOSJA
Alarm për bombë në Prishtinë, evakuohet Këshilli

KOSOVË– Këshilli Gjyqësor i Kosovës sot ka marrë një kërcënim përmes një telefonate anonime. Këtë e ka konfirmuar për Klan Kosovën kryesuesi i KGJK-së, Skender Çoçaj.

“Derisa ishim në mbledhjen e Këshillit Gjyqësor të Kosovës, sigurimi na njoftoi se paska marrë një telefonatë në recepsion të Këshillit”. Çocaj ka treguar se çfarë thoshte kjo telefonatë kërcënuese.

“Në telefonatë, me aq sa i kam marrë informatat e para, është thënë ‘kena me ju shfaros juve dhe Gjykatën Speciale’. Nuk e dimë se në çka kanë aluduar”.

Ai ka thënë po ashtu se pas njoftimit për këtë telefonatë nga ana e sigurimit, mbledhja e KGJK-së është ndërprerë menjëherë dhe i gjithë stafi është evakuar.

Momentalisht rruga “Luan Haradinaj” është e bllokuar për qarkullim dhe njësitet e policisë janë në vend të ngjarjes. Policia e ka konfirmuar se dyshohet për mjete shpërthyese në dy objekte në këtë rrugë.

(Marrë nga Klan Kosova)

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni alarm per bombe këshilli gjyqësor i kosovës alarm per bombe këshilli gjyqësor i kosovës

Sondazh

Poll