TIRANË – Kreu i Komisionit Hetimor, Alket Hyseni ka prezantuar nga foltorja e Kuvendit raportin e plotë të hartuar prej 98 faqesh. Hyseni ka nënvizuar me radhë nenet e Kushtetutës të cilat sipas raportit, Presidenti i ka shkelur gjatë ushtrimit të detyrës, duke theksuar se ka cënuar edhe të drejtat e njeriut. Sipas raportit, presidenti ka pasur ndikim negativ në politikë, por jo vetëm. Ai shton se Meta bëri shkelje, para, gjatë dhe pas fushatës zgjedhore, duke bërë thirrje anti-kushtetuese, duke nxitur dhunë dhe duke dalë jashtë funksionit të tij. Hyseni u shpreh se gjatë fushatës së 25-prillit, Meta tregoi hapur njëanshmërin në zgjedhje, duke dalë kundër qeverisë dhe duke përdorur terma anti-kushtetuese.
Pjesë nga fjala e Alket Hysenit:
Komisioni konstaston se presidenti ka shkelur disa nene të Kushtetutës së Republikës së Shqipërisë. Këto shkelje konsiderohen nga Komisioni si shkelje të rënda, duke cënuar të drejtat e njeriut dhe mardhëniet shoqërore e politike që mbrohen nga Kushteta. Shkeljet e Presidentit kanë pasur ndikim negativ në poltike por jo vetëm.
Renditja e fakteve: Në mënyrë të përmbledhur jepen detaje për aktet e presidentit për shkeljet që ka bërë gjatë fushatës, para fushatës si dhe gjatë ditës së heshtjes zgjedhore. Komisioni zhvilloi aktivitetin brenda afatiti kohor tre-javor me 10 mbledhje për procedurën e shkarkimit. Në shkresën përcjellëse, Presidenti u thirr më 18 maj për tu paraqitur para Komisionit për të dëgjaur planin e hetimit. Presidenti me shkresën e tij, përcjell njoftimin se nuk mund të merrte pjesë për shkak të një angazhimi. Komisioni në përfundim të procesit hetimor, miratoi raportin përfundimtar të hetimit.
Kuadri Ligjor: Komisioni ka marrë në analizë legjislacion ligjin shqiptar, kushtetuten, opinionet e komisionit të Venecias, vendimet e gjykatave kushtetuese, zbardhjet e mesazheve të Presidentit në rrjetet sociale, shkresat e komisionit hetimor, opinionet e komisionit ligjor, etj.
Presidenti ka bërë fushatë gjatë zgjedhjeve kundër qeverisë, duke treguar hapur njëanisinë, duke humbur rolin e faktorit të ekuilibrit mes palëve politike. Thirrjet e tij para fushatës për qeverinë në fushatë, shkelën rëndë Kushtetutën.
Kuvendi pritet të votojë sot me 94 vota shkarkimin e presidentit të Republikës, Ilir Meta. Seanca përmbyll sot një muaj hetim mes institucioneve për shkeljet e presidentit gjatë fushatës. Komisioni Hetimor doli në përfundimin se deklaratat e ashpra të presidentit dhe thirrjet “merrni sfurqet dhe sopatat”, nxitën vrasjen e Pjerin Xhuvanit. Por megjithë shkarkimin nga Kuvendi, vendimi nuk hyn në fuqi pa u shprehur gjykata Kushtetuese. Nëse edhe Kushtetuesja e gjykon veprimtarinë e presidentit si shkelje të rëndë kushtetuese, atëherë Meta hyn në histori si presidenti i parë i shkarkuar nga Parlamenti në 30 vite demokraci.
(kle.mu./dosja.al)
Iftar dhe politikë, a u prek Muaji i Ramazanit nga politikanët?
TIRANË– Belind Këlliçi është paraqitur sot në Gjykatën e Apelit për tu përballur me Adrian Çelës, drejtorin e Operatorit të Sistemit të Shpër...
TIRANË– Edhe pse Kuvendi i Shqipërisë ka nisur seancën dhe pret të votojë për shkarkimin e Presidentit Ilir Meta, vetë ky i fundit është treguar totalisht ...
TIRANË– Ambasada Amerikane në Tiranë ka ripublikuar vendimin e Presidentit amerikan, Joe Biden që autorizon bllokimin e pasurisë për individët e korruptuar...
TIRANË– Ndërkohë që në Kuvendin e Shqipërisë ka nisur seanca dhe pritet që të votohet shkarkimi i Presidentit Ilir Meta, në zyrat e Kreut të Shtetit ...
SHBA– Administrata e Joe Biden sa vjen e po rrit ndikimin e saj jo vetëm në SHBA, por edhe në botë. Në vetëm 20 ditët e fundit, Shtetet e Bashkuara të Amerikës ...
HUNGARI– Ministrja Evis Kushi ka mbetur shumë e kënaqur nga një xhest xhentilese të bërë nga Presidenti i Hungarisë Viktor Orban. E ndodhur në Hungari bashkë me...
TIRANË– Mal Berisha, ish-ambasadori i Shqipërisë në Britaninë e Madhe e ka barazuar imazhin e guas së ish-kryeministrit Sali Berisha me atë të shenjtores “...
BULLGARI- Kryeministri Edi Rama e ka nisur mëngjesin e sotëm në Sofje, me një takim pune me Presidentin Rumen Radev. Në një postim në Facebook, teksa ka publiku...
TIRANË- Për herë të parë në Shqipëri, sot, është votuar shkarkimi i Presidentit të Republikës. Me 104 vota pro, 7 kundër, 3 abstenim, Kuvendi i Shqipërisë ...
TIRANË– Fushatat zgjedhore dhe rotacionet politike janë dy pikat kulmore kur ndodhin edhe largimet apo rekrutimet më të shumat në administratë. Kësht...