TIRANË– Presidenti i Shteteve të Bashkuara të Amerikës, Joe Biden ka nxjerrë një urdhër ekzekutiv, për të bllokuar pronat dhe për të pezulluar hyrjen në SHBA të të gjithë personave, të cilët sipas tij kontribuojnë në situatën destabilizuese në rajonin e Balkanit Perëndimor. Urdhri, i cili është publikuar sot në 8 qershor nga Shtëpia e Bardhë përmend ish-Republikën Jugosllave dhe Shqipërinë dhe është shpërndarë nga ambasadorja amerikanë në Shqipëri, Yuri Kim. Kjo e fundit ka evidentuar edhe pikat ku duhet të theksohet vëmendja në deklaratën e lëshuar drejtpërdrejt nga Shtëpia e Bardhë.
“Presidenti Joe Biden ka zgjeruar fushëveprimin e OE 13219 (Bllokimit të Pronave të Personave që Kërcënojnë Përpjekjet Stabilizuese në Ballkanin Perëndimor) për të përfshirë Shqipërinë. Lufta ndaj korrupsionit është një interes thelbësor i sigurisë kombëtare të SHBA,”-shkruan Kim.
Vendimi I PLOTË bashkë me pikat që nënvizion ambasadorja Kim:
Unë, JOSEPH R. BIDEN JR., President i Shteteve të Bashkuara të Amerikës, përmes kësaj deklarata zgjeroj fushën e emergjencës kombëtare të deklaruar në Urdhrin Ekzekutiv 13219 të 26 Qershorit 2001 (Bllokimi i Pronës së Personave që Kërcënojnë Përpjekjet Ndërkombëtare të Stabilizimit në Ballkanin Perëndimor) duke evidentuar se situata në territorin e ish-Republikës të Jugosllavisë dhe Republika e Shqipërisë gjatë dy dekadave të fundit, duke përfshirë minimin e marrëveshjeve dhe institucioneve të pasluftës, si dhe korrupsionit të përhapur brenda qeverive dhe institucioneve të ndryshme në Balkanin Perëndimor, pengon progresin drejt qeverisjes efektive dhe demokratike dhe integrimin e plotë në institucionet transatlantike, dhe në këtë mënyrë përbën një kërcënim i pazakontë dhe i jashtëzakonshëm për sigurinë kombëtare dhe politikën e jashtme të Shteteve të Bashkuara.
PIKAT ME RËNDËSI:
Prandaj, unë urdhëroj se me anë të këtij vendimi: E gjithë prona dhe interesat që ndodhen në pronën e Shteteve të Bashkuara ose në zotërimin ose kontrollin e ndonjë personi nuk mund të transferohen, paguhen, eksportohen, tërhiqen ose tregtohen ndryshe në: çdo person i përcaktuar nga DASH, në konsultim me Sekretarin e Shtetit:
(ii) do të jetë përgjegjës ose bashkëpunëtor, ose i përfshirë drejtpërdrejt ose indirekt në veprime ose politika që minojnë proceset demokratike ose institucionet në Ballkanin Perëndimor;
(v) do të jetë përgjegjës ose bashkëpunëtor për keqpërdorim të pasurive publike, shpronësimin e pasurive private për përfitime personale ose qëllime politike, ose ryshfet;
(vi) nëse ka asistuar materialisht, sponsorizuar ose ofruar mbështetje financiare, pasuria dhe interesat e tij do të bllokohen në përputhje me këtë urdhër.
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Deputeti dhe nënkryetari i Kuvendit, Myslim Murrizi, ka reaguar pasi emri i tij është përmendur si një prej atyre që kanë vendosur të mos lejojnë g...
TIRANË– Debat për aksionin e shembjeve të objekteve pa leje në vijën bregdetare të territorit të vendit. I ftuar në emisionin “Open”, avo...
SOFJE– Kryeministrit Edi Rama ka injoruar pyetjen e një gazetari bullgar lidhur me qëndrimin e tij për ndryshimin e kufijve në Ballkan. Gjatë një konferen...
SOFJE– Kryeministri Edi Rama ka mbërritur në Bullgari, ku edhe po zhvillon një vizitë zyrtare. Kreu i qeverisë shqiptare ka zhvilluar një konferencë për s...
TIRANË– Operacioni për shembjen e objekteve të ndërtuara pa leje në bregdet ka nisur nga veriu në Jug, me Velipojën dhe Ksamilin për të vijuar në drejtimet...
TIRANË– Nesër Kuvendi voton për shkarkimin e presidentit Ilir Meta, por deputeti Lefter Maliqi ka deklaruar qëndrimin e tij kundër. Me anë të një statusi n...
VLORË– Sulmeve të djeshme të Vilma Bellos dhe Fate Velaj, lëvizjes kundër kryebashkiakut të Vlorës i është bashkaur edhe Pranvera Resulaj, e cila kry...
Ndalimi i përdorimit të burimeve publike në mbështetje të subjekteve zgjedhore në Shqipëri duket një mision i pamundur edhe në 2021. Me përfundimin e fushatës e...
