‘Defender Europe 21’ në Tiranë! Demonstrime në tokë dhe ajër nga ushtarët në sheshin “Nënë Tereza”, ceremonia b
23 Maj 2021, 08:04Nga DOSJA
TIRANË– Defender Europe 21” ka zbarkuar në Tiranë. Ditën e sotme ka pasur demonstrime nga ana e ushtrisë shqiptare dhe asaj amerikane në sheshin “Nënë Tereza” për të gjithë qytetarët. Kjo ceremoni ka bërë bashkë sërish Metën dhe Ramën, mirëpo të distancuar nga njëri-tjetri. E pranishme ishte po ashtu dhe ambasadorja e SHBA-së, Yuri Kim e cila gjatë fjalimit të saj tha se marëdhënia mes dy vendeve sa vjen dhe forcohet.
Kim theksoi se ‘Defender 21’ hapi një rrugë të vërtetë për një bashkëpunim strategjik mes Shqipërisë dhe SHBA dhe se Amerika ka një aleat të vërtetë si Shqipëria.
Në fjalën e tij, kryeministri Edi Rama, falenderoi ambasadoren Kim për punën e veçantë që ka bërë për këtë stërvitje. Pas përfundimit, Rama zgjodhi që të largohej duke mos qëndruar për të ndjekur as fjalimin e Metës, mirëpo as demonstrimin që u bë nga ana e ushtarëve.
Meta në fjalën e tij ka vlerësuar mbështetjen e SHBA-së për forcat tona të armatosur. Meta nënvizoi se Forcat e Armatosura kanë treguar profesionalizëm. Ai nuk zgjodhi që të përshëndeste as Ramën dhe as Yuri Kim, mirëpo vetëm forcat e armatosura.
Çfarë është stërvitja Defender 21?
Stërvitja “Defender Europe 2021” do të zhvillohet në periudhën 26 prill-20 qershor 2021 në territorin e Shqipërisë dhe në këtë stërvitje do të angazhohen 3.100 trupa nga vendet anëtare të NATO-s dhe vende të tjera aleate, 10 anije, 18 avionë, 19 helikopterë, 6 sisteme raketash “Patriot” dhe 1.000 automjete joluftarake. Stërvitja e NATO-s në Shqipëri, “Defender Europe 2021” është konsideruar jo vetëm një tregues i nivelit të ngushtë të bashkëpunimit dhe i marrëdhënieve të ngushta që Shqipëria ka me SHBA, por ajo do të thotë shumë dhe në aspektin financiar, sepse pritet të rriten të ardhurat në strukturat ushtarake. Në stërvitje do të marrin pjesë forca nga Shqipëria, Turqia, SHBA-ja, Kosova, Mali i Zi, Maqedonia e Veriut, Bosnjë-Hercegovina, Kroacia, Greqia, Kanadaja, Britania e Madhe, Çekia, Hungaria, Rumania, Bullgaria, Gjeorgjia dhe vende të tjera
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Nesër nis zyrtarisht fushata e kandidatëve për kreun e ri të Partisë Demokratike. Pas më shumë së një ore mbledhje të Kryesisë së PD-së, e cila nis...
TIRANË– Ministrja e Shëndetësisë Ogerta Manastirliu ka pranuar se Shqipëria nuk ka më vaksina kineze. E ftuar në News 24, Manastirliu tha se Shqipëria po p...
TIRANË– Për Ogerta Manastirliun, Ministre e Shëndetësisë në Shqipëri, ccdo njeri është i barabartë para ligjit. E ftuar në News24, e pyetur nëse njof...
TIRANË– “Defender Europe 21” pas disa qytetesh këtë herë ka zbarkuar në zemër të Tiranës. Forcat ushtarake amerikane dhe shqiptare janë fotografuar krah pë...
TIRANË– Në një intervistë ekskluzive siguruar nga gazetari Genc Burimi për ‘BalkanWeb’, 71 vjeçari Jean Yves Le Borgne, avokat i pajtuar nga ish kry...
TIRANË– Juristët francezë shpjegojnë për top channel se në cilat kushte Sali Berisha ish kryeministër i Shqipërisë mund të bëjë padinë kundër sekreta...