Politike

Kush i fiton zgjedhjet e 25 prillit, parashikimi i sondazhit të pestë kombëtar të MRB-së

19 Prill 2021, 20:59 Nga DOSJA
Kush i fiton zgjedhjet e 25 prillit, parashikimi i sondazhit të pestë

TIRANË- Sondazhi i pestë kombëtar i kompanisë MRB për Euronews Albania parashikon që Partia Socialiste t’i fitojë me një diferencë të ngushtë zgjedhjet e 25 prillit. Të pyetur se për cilën parti apo koalicion do të votonin, shumica u përgjigjën për PS-në, me një diferencë 6.2%:

PS – 43%
PD – 36.8%
LSI – 5.8%
Të tjera – 3%
Nuk do të votoj – 4.1%
Nuk e di – 6%
Nuk u përgjigjën – 1.3%

Krahasuar me sondazhet e shkuara, prej muajit dhjetor, PS ka pasur fillimisht një luhatje mes 39.9%-41.8% e në dy sondazhet e fundit një ekuilibër në 43%. Sidoqoftë diferenca mes saj dhe koalicionit të Partisë Demokratike “Aleanca për Ndryshim” është më shumë se përgjysmuar nga 13.6% në 6.2%.

Koalicioni i PD-së ka gëzuar rritje të konsiderueshme nga 28.2% në 36.8% teksa krejt ndryshe mbështetja për Lëvizjen Socialiste për Integrim është thuajse përgjysmuar nga 10.3% në 5.8%.

Duke analizuar prirjen e votuesve dhe të të pavendosurve me ato të zgjedhjeve të vitit 2017, MRB parashikon që PS t’i fitojë zgjedhjet me një diferencë prej 7%:

PS – 48.5%
PD – 41.5%
LSI – 6.5%
Të tjera – 3.5%

Krahasuar me vitin 2017, PS pritet të gëzojë thuajse të njëjtën mbështetje të votuesve me një rritje +0.2% (nga 48.3%), ndërsa PD të marrë një rritje me +12.6% (nga 28.9%). Ndryshe mbështetja e LSI-së pritet të tkurret me -7.8% (nga 14.3%).

Metodologjia

Sondazhi i pestë kombëtar u bë për Euronews Albania nga kompania prestigjioze MRB, e cila zhvilloi 2,700 intervista ballë për ballë në zonat urbane dhe rurale me persona me të drejtë vote (mbi 18 vjeç) nga 1 prilli deri më 15 prill.

MARRË NGA EURONEWS

Rama është propozuar për president nga disa deputetë socialiste, mendoni se:

View Results

politike politike sondazhet zgjedhjet 25 prill 2021 sondazhet zgjedhjet 25 prill 2021

Sondazh

Poll

MË SHUMË