Bota

Ambasada e SHBA-ve në Kosovë godet qeverinë: Po emëroni në poste publike njerëz pa etikë, kjo praktikë e ç’nderon ven

14 Maj 2019, 15:45 Nga DOSJA
Ambasada e SHBA-ve në Kosovë godet qeverinë: Po emëroni

Ambasada amerikane në Prishtinë ka dërguar një komunikatë për media me anë të së cilës shpreh shqetësimin për emërimin e personave të pakualifikuar në pozita të larta qeveritare.

Në komunikatë thuhet: Shtetet e Bashkuara të Amerikës mbesin thellësisht të shqetësuara nga veprimi i qeverisë së Kosovës për emërimin e individëve të pakualifikuar në pozita të larta qeveritare – përfshirë edhe individë të dënuar për krime lufte, individë nën aktakuzë aktive për krime të rënda dhe të dyshuar për keqpërdorim të rëndë të pozitës.

Siç shkruan në komunikatën e ambasadës së ShBA-ve në demokraci, individët e emëruar në pozita të nivelit të lartë duhet të rrezatojnë fytyrë etike dhe të kualifikuar para botës; fatkeqësisht shembulli i Kosovës sa i përket emërimeve paraqet të kundërtën.

“Individët e pakualifikuar, të cilët janë dënuar nga drejtësia apo janë duke u ndjekur në mënyrë aktive për krime të rënda, si dhe ata që kanë shfaqur gatishmëri për të vepruar, të sigurt se nuk do të dënohen, dhe kanë keqpërdorur autoritetin e tyre, nuk kanë vend në pozitë zyrtare. Nominimi i këtyre individëve të pakualifikuar minon besimin e publikut që Kosova po përpiqet ta ndërtojë, e privon vendin nga mundësia për të pasur individë kompetentë, me nam dhe më se të kualifikuar për të kryer punën në qeveri dhe i çnderon viktimat e krimeve të kaluara të këtyre individëve. Po ashtu, kjo gjë pengon përparimin e Kosovës drejt ndërtimit të namit në rrafshin ndërkombëtar që do ta bënte atë partnere të dëshirueshme për vendet e tjera dhe forcon pozicionin e kundërshtarëve që do të pohonin se Kosova nuk është e përkushtuar ndaj sundimit të ligjit”, thuhet në komunikatë.

Në komunikatë shkruan se individët duhet të kenë mundësi për të rindërtuar jetën e tyre pas këtyre shkeljeve të të kaluarës duke cituar një thënie të avokatit dhe humanitarit amerikan Bryan Stevenson. “Secili prej nesh është më shumë se gjëja më e keqe që e kemi bërë ndonjëherë”.

“Por, madje edhe përderisa historia rikujton kontributet pozitive të individëve, si dhe dështimet e tyre, disa sjellje do të duhej të çkualifikonin përjetësisht një individ nga pozita zyrtare: përfshirja në krime të rënda do të duhej të ngrinte shqetësim për përshtatshmërinë e një personi që ndonjëherë të mbajë një pozitë të tillë”.

Ambasada e SHBA-ve nëpërmjet kësaj deklarate nxit qytetarët e Kosovës, si dhe udhëheqësit e saj për të reflektuar se çfarë fytyre duan që Kosova t’ia tregojë botës.

“Iu bëjmë thirrje udhëheqësve të Kosovës për ta marrë këtë çështje seriozisht dhe të ndalen e ta prapësojnë këtë prirje të emërimit të individëve, disa prej të cilëve ambasada tashmë i ka cekur me emër, përzgjedhja e të cilëve duket se çon përpara qëllimet afatshkurta politike e jo nevojat legjitime të qytetarëve të Kosovës ose kredibilitetin e shtetit”./Marrë nga Insajder

Tirana është boshatisur për ditët e pushimit. Cilën nga ritet e shenjta po ndiqni:

View Results

rajoni rajoni ambasada e shba ambasada e shba-ve godet qeverine kosovare kosove qeveria kosovare ambasada e shba ambasada e shba-ve godet qeverine kosovare kosove qeveria kosovare

Sondazh

Poll

Bota 14 Maj 2019, 15:31

KARAIBE– Kreu i kompanisë Coca Cola në Greqi, Alki David ka rënë në pranga së bashku me partnerin e tij të biznesit miliarder. Dyshja u arrestuan teksa nd...

MË SHUMË