TIRANË– Presidenti Ilir Meta priti sot në zyrën e tij, Ambasadoren Ursula Gacek, e cila drejton Misionin e Vëzhgimit të OSBE/ODIHR për zgjedhjet e përgjithshme të 25 prillit 2021. Në një postim në rrjetet sociale, Meta ka publikuar foton gjatë takimit me Gacek, krah të cilës shkruan se do të ndalë me çdo kusht dhe mjet, që presioni i krimit dhe shantazhi mbi qytetarët të minojë zgjedhjet, të shkatërrojë demokracinë dhe të ardhmen europiane.
Meta shton se e ka informuar Ambasadoren dhe Kryetaren e Misionit të Vëzhgimit të OSBE/ODIHR, për nismën time transparente për mbrojtjen e zgjedhjeve të 25 prillit duke ju krijuar mundësinë të gjithë qytetarëve të denoncojnë me kurajo dhe pa hezitim të gjitha presionet, shkeljet dhe parregullsitë, që synojnë tjetërsimin e vullnetit të tyre.
“Prita sot, me kërkesën e saj, Ambasadoren Ursula Gacek, e cila drejton Misionin e Vëzhgimit të OSBE/ODIHR për zgjedhjet e përgjithshme të 25 prillit 2021.
I përcolla Drejtueses së Misionit, vendosmërinë dhe përkushtimin tim të palëkundur për të garantuar, që qytetarët të shprehin lirshëm dhe pa u cënuar, vullnetin e tyre të plotë në votim. Theksova se, do të ndalim me çdo kusht dhe mjet, që presioni i krimit dhe shantazhi mbi qytetarët të minojë zgjedhjet, të shkatërrojë demokracinë dhe të ardhmen europiane. E informova Ambasadoren dhe Kryetaren e Misionit të Vëzhgimit të OSBE/ODIHR, për nismën time transparente për mbrojtjen e zgjedhjeve të 25 prillit duke ju krijuar mundësinë të gjithë qytetarëve të denoncojnë me kurajo dhe pa hezitim të gjitha presionet, shkeljet dhe parregullsitë, që synojnë tjetërsimin e vullnetit të tyre. Shpreha gatishmërinë për bashkëpunim të plotë për të siguruar paprekshmërinë e zgjedhjeve të vullnetit të sovranit,”- shkruan Meta.
Meta ka prezantuar më herët edhe platformën “Denonco krimin zgjedhor”, ku ka ftuar të gjithë qytetarët që të bëjnë denoncimet e tyre.
Zgjedhjet e 25 prillit janë 24 ditë larg dhe fushata elektorale është në kulmin e saj. Partitë politike kanë përveshur mëngët dhe janë në terren, ku në dy formate të ndryshme, PS e PD kërkojnë pushtetin. Kryeministri Edi Rama kërkon një mandat të tretë për të finalizuar rindërtimin dhe reformën në Drejtësi dhe për ti dhënë një shtysë ekonomisë pas COVID19, ndërsa Lulzim Basha premton një ndryshim rrënjësor pas 25 prillit me PD në pushtet. Partitë janë të ndara në tri fronte, LSI që garon e vetme, po ashtu edhe PS, ndërsa PD garon bashkë me aleatët opozitarë nën akronimin PD-AN.
(f.m/dosja.al)
Rama është propozuar për president nga disa deputetë socialiste, mendoni se:
TIRANË- Një pamje shokuese po qarkullon në rrjetet sociale, duke na shqetësuar sesi është me shëndet kryeministri ynë, Edi Rama. Teksa ndodhej në Shkodër d...
TIRANË– Kryetari i KQZ-së Ilirjan Celibashi ka diskutuar me përfaqësuesin e Partisë Socialiste në lidhje me fletën e votimit për zgjedhjet e 25 prillit. Ce...
RROGOZHINË– Kryeministri Edi Rama ishte i pranishëm ditën e sotme në qendrën e vaksinimit në Rrogozhinë. Ai pa nga afër procesin e vaksinimit ndërkohë që u...
RROGOZHINË– Deklaratës së ish-kryeministrit Sali Berisha që të pezullohet vaksinimi me “Sinovac” për personat mbi 60 vjeç, iu është përgjigjur kryem...
TIRANË– Kryetari i Shoqatës për Mbrojtjen e Tregtarëve dhe Tregut të Shqipërisë, Nikollaq Neranxi ka reaguar pas deklaratës së kryeministrit Rama, i cili i...
TIRANË–Më 25 prill, shqiptarët do të votojnë në bazë të emrave dhe jo të numrave! Komisioni Qendror i Zgjedhjeve është mbledhur sërish ditën e sotme, për t...
TIRANË– Kandidatja e Partisë Demokratike, Dhurata Çupi ishte sot në njësinë administrative Gurrë, në qarkun e Dibrës. Përballë saj, banorët thanë se...
FIER– Ish-kryeministri Sali Berisha ka publikuar një denoncim të fortë në rrjetet sociale. Qytetari Dixhital i shkruan ish-kryeministrit se një ditë pas vizitës...
SHKODËR– Kryeministri Edi Rama zhvilloi mëngjesin e sotëm një bashkëbisedim me pedagogët dhe rektorët e Shkodër. Gjatë bisedës, një prej rektoreve i ...
TIRANË- Kryeministri Edi Rama zbuloi sot një mesazh që i ka dërguar kryeministri i Kosovës, Albin Kurti, për vaksinimin e mësuesve të Kosovës. Rama tha se ...