Aktualitet

U kap duke transportuar 11 emigrantë të paligjshëm, vihet në pranga 44-vjeçari në Korçë

20 Mars 2021, 10:28 Nga DOSJA
U kap duke transportuar 11 emigrantë të paligjshëm, vihet në

KORÇË- Një 44- vjeçar është arrestuar ditën e sotme në Korçë, pasi është kapur duke transportuar 11 emigrantë të paligjshëm.

Policia bën me dije, se në pranga ka rënë G. D, banues në Durrës, i cili u arestua në kuadër të operacionit “Perimetri”. Mësohet se ai po i transportonte në drejtim të Tiranës, me mjetin tip “Ford”, kundrejt shpërblimit prej 1000 euro në total.

NJOFTIMI:

Qarku Korçë
Vijojnë goditjet e njëpasnjëshme në kuadër të operacionit “Perimetri”.
Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt shpërblimit. U kap duke transportuar 11 emigrantë të paligjshëm, vihet në pranga 44-vjeçari në Korçë Shërbimet e Komisariatit të Policisë Pogradec, në bashkëpunim me Policinë Rrugore dhe Policinë Kufitare, në vijim të operacionit policor “Perimetri”, kanë goditur një tjetër rast të aktivitetit kriminal në fushën e dhënies së ndihmës shtetasve të huaj për kalim të paligjshëm të kufirit kundrejt shpërblimit, si rezultat i të cilit u bë kapja dhe arrestimi në flagrancë i shtetasit G. D., 44 vjeç, banues në Durrës. Ky shtetas u kap nga shërbimet e Policisë Rrugore në qytetin e Pogradecit, duke transportuar në drejtim të Tiranës, me mjetin tip “Ford”, 11 emigrantë të paligjshëm, të cilëve kundrejt shpërblimit prej 1000 euro në total, iu kishte premtuar kalimin drejt vendeve të BE-së. Po punohet për vënien përpara përgjegjësisë ligjore edhe të personave të tjerë, të dyshuar si të implikuar në këtë ngjarje.
Materialet i kaluan Prokurorisë së Rrethit Gjyqësor Pogradec, për veprën penale “Ndihma për kalim të paligjshëm të kufijve” kryer në bashkëpunim.

(A.k.dosja.al)

Rama është propozuar për president nga disa deputetë socialiste, mendoni se:

View Results

aktualitet aktualitet arrestohet 44 vjecari arrestohet 44 vjecari

Sondazh

Poll

Aktualitet 20 Mars 2021, 10:17

VLORË– 14 persona në paraburgimin e Vlorës, janë prekur nga Covid-19.Burime për Dosja.al, bëjnë me dije, se gjatë tre ditëve të fundit në këtë institucion ...

MË SHUMË