Bota

Vendet e BE-së do të rinisin imunizimin me AstraZeneca

19 Mars 2021, 09:08 Nga DOSJA

Vendet e BE-së do të rinisin imunizimin me AstraZeneca

EUROPË– Shtetet kryesore të Bashkimit Evropian do të rinisin imunizimin kundër koronavirusit me vaksinën AstraZeneca, pasi rregullatori shëndetësor i BE-së konfirmoi se ajo është “e sigurt dhe efektive”.

Agjencia Evropiane e Barnave e rishikoi vaksinën pasi 13 shtete të BE-së e pezulluan përdorimin e saj, nga frika se shkakton mpiksje gjaku.

Agjencia konstatoi se vaksina nuk lidhet me ndonjë rrezik më të lartë të mpiksjes së gjakut.

Gjermania, Franca, Italia dhe Spanja thanë se do të rinisin përdorimin e vaksinës.

U takon shteteve individuale të BE-së që të vendosin nëse duan dhe kur duan të rinisin imunizimin me AstraZeneca.

Suedia tha se i duhen “disa ditë” për të vendosur.

Organizata Botërore e Shëndetësisë u bëri thirrje vendeve që të vazhdojnë përdorimin e vaksinës, ndërsa sot pritet t’i publikojë rezultatet e saj të rishikimit të vaksinës.

Çfarë ka ndodhur me vaksinën AstraZeneca?

Danimarka është bërë javën e kaluar vendi i parë që ka ndaluar përdorimin e vaksinës AstraZeneca, pas raporteve për mpiksje gjaku te disa njerëz.

Një person, madje, ka vdekur si pasojë e trombozave të shumta, dhjetë ditë pasi është vaksinuar me dozën e parë të AstraZenecës.

Autoritetet shëndetësore daneze kanë thënë se pezullimi do të zgjasë së paku dy javë, derisa rastet të hetohen.

Megjithatë, ato kanë theksuar se “aktualisht, nuk mund të konstatohet nëse ekziston ndonjë lidhje midis vaksinës dhe mpiksjes së gjakut”.

Shpejt pas Holandës, edhe vendet e tjera të BE-së, por jo vetëm, kanë pezulluar imunizimin me AstraZeneca.

Kompania AstraZeneca, që ka zhvilluar vaksinën në bashkëpunim me Universitetin e Oksfordit, ka thënë se më pak se 40 raste të mpiksjes së gjakut janë raportuar që nga java e kaluar, ndërsa janë vaksinuar miliona njerëz.

AstraZeneca ka thënë më herët se siguria e ilaçit është studiuar gjerësisht gjatë provave klinike.

Marrë nga REL

(kle.mu./dosja.al)

Rama është propozuar për president nga disa deputetë socialiste, mendoni se:

View Results

bota bota astrazeneca be rinis vaksinimin astrazeneca be rinis vaksinimin

Sondazh

Poll

Bota 19 Mars 2021, 09:04

Vuçiç provokon Kosovën , Hoxhaj: Serbia është në gjendje hipnoze

KOSOVË- Kreu i Partisë Demokratike të Kosovës, Enver Hoxhaj e ka quajtur Presidentin serb Aleksandër Vuçiç si nxitës i urrejtjes për Kosovën....

Bota 19 Mars 2021, 08:38

Vuçiç provokon Kosovën, eksperti amerikan: SHBA dhe BE duhet të marrin masa

KOSOVË- Eksperti amerikan, Alon Ben Meir e ka quajtur si provokim të rëndë, postimin e Presidentit serb, Aleksandër Vuçiç për Kosovën. Në një...

Bota 19 Mars 2021, 08:27

Biden mban premtimin! SHBA i shpërndan vaksina Kanadasë dhe Meksikës

SHBA- Shtetet e Bashkuara do të shpërndajnë 4 milionë vaksina AstraZeneca për Kanadanë dhe Meksikën, bëri të ditur Shtëpia e Bardhë.Kanadaja dhe Meksika e kanë ...

Bota 19 Mars 2021, 08:17

“Do të vaksinojmë 70% të qytetarëve deri në verë”/ Von der Leyen: Do të zvogëlojmë përhapjen e virusit

ITALI – Presidentja e Komisionit Evropian, Ursula von der Leyen ka thënë se deri në verë do të vaksinojnë 70% të qytetarëve të Evropës. Tgcom24 shkruan se...