Aktualitet

Masakër mjedisore dhe ndërtime pa leje, procedohen penalisht 9 persona në Dibër

10 Maj 2019, 15:31 Nga DOSJA
Masakër mjedisore dhe ndërtime pa leje, procedohen penalisht 9

DIBËR– 9 persona janë proceduar penalisht, pasi akuzohen për prerje pyjesh, dhe ndërtime pa leje në Dibër.

Në njoftimin e policisë thuhet se u sekuestruan rreth 30 m3 lëndë drusore.

Ndërkohë, materialet në ngarkim të këtyre shtetasve janë referuar në Prokuroritë e Rretheve Gjyqësore Dibër dhe Mat, për veprat penale “Prerja e paligjshme e pyjeve” dhe “Ndërtimi pa leje”.

Njoftimi i policisë Dibër:

Policia, plan masash për parandalimin dhe goditjen e krimeve mjedisore.

Goditen 9 raste, nga këto: 6 raste të ndërtimeve pa leje dhe 3 raste për “Prerja e paligjshme e pyjeve”

Procedohen penalisht 9 shtetas si dhe sekuestrohen rreth 30 m3 lëndë drusore.

Strukturat e DVP Dibër, në zbatim të planit të masave për parandalimin dhe goditjen krimeve mjedisore, si rezultat i kontrolleve dhe informacioneve të marra në rrugë operative kanë evidentuar dhe goditur 9 raste.

U proceduan penalisht shtetasit:
Z. D., A. P., dhe H. K, të tre banues në Dibër,
K. P., dhe A. K., banues në Mat
A. Sh., banues në Bulqizë

Procedimi penal ndaj tyre filloi pasi janë konstatuar nga shërbimet e policisë duke ndërtuar objekte, pa lejen e organeve përkatëse.

Gjithashtu u proceduan penalisht:
A. M., banues në Mat, pasi u kap duke transportuar 6 m3 lëndë drusore, me automjetin tip kamion, pa dokumentacionin përkatës.

A. S., banues në Bulqizë, pasi në pikën e grumbullimit të subjektit të tij, u konstatuan rreth 20 m3 lëndë drusore e prerë, pa dokumentacion përkatës.

H. D., banues në Dibër, pasi u kap duke transportuar rreth 4 m3 lëndë drusore me automjetin tip furgon, pa dokumentacionin përkatës.

Lënda drusore dhe automjetet u sekuestruan në cilësinë e provës materiale.

Materialet në ngarkim të këtyre shtetasve janë referuar në Prokuroritë e Rretheve Gjyqësore Dibër dhe Mat, për veprat penale “Prerja e paligjshme e pyjeve” dhe “Ndërtimi pa leje”.

Policia e Dibër do të vijojë kontrollet për parandalimin dhe goditjen e krimeve mjedisore dhe në këtë kontekst kërkon bashkëpunimin e qytetarëve që të denoncojnë çdo rast që ata konstatojnë, në numrin unik 112 apo në Komisariatin Dixhital.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet diber ndertime pa leje prerje pyjesh procedohen 9 persona diber ndertime pa leje prerje pyjesh procedohen 9 persona

Sondazh

Poll

Aktualitet 10 Maj 2019, 15:03

TIRANË-28-vjetori i themelimit të gazetës “Koha Jonë”, ka bërë bashkë figura të njohura të medies shqiptare, por edhe politikanë.Në drekën e organizuar nga...

MË SHUMË