Politike

Fijet që lidhen, ç’fshihet pas emrave të rinj në Durrës, Vangjush Dako nxjerr nga xhepi ‘suprizën’

10 Maj 2019, 12:19 Nga DOSJA
Fijet që lidhen, ç’fshihet pas emrave të rinj në

Valbona Sako është emri i gjashtë që është hedhur në pazarin e kandidatëve për Bashkinë e Durrësit. Një betejë që filloi mes Spartak Kovaçit dhe Arbër Brahos, i pari drejtor i ujësjellësit, krah i djathtë i Vangjush Dakos, i dyti djali i Spartak Brahos.

Kovaçi, ishte më i pranuar për shkak të influencës së kryetarit në detyrë, gjithçka dukej sikur po shkonte në favor të tij, por loja ndryshoi papritur.

Opozita dorëzoi mandatet dhe deklaroi bojkotin e zgjedhjeve të 30 qershorit. Ndeshja u bë e lehtë me një skuadër të vetme, skenaret filluan të ndryshojnë.

I vendosur për t’i bërë zgjedhjet lokale pa opozitën, Rama filloi të mendojë se bojkoti, jo vetëm nuk ishte delegjitimim përderisa ndërkombëtarët do i njohin zgjedhjet, por ishte në rast i artë për ta shpejtuar procesin e kalimit të Partisë Socialiste tek Rilindja.

Një proces më i lehtë për deputetët, për shkak të sistemit, por më i vështirë për kryebashkiakët që zgjidhen nominalisht, jo të fshehur pas siglës së partisë.

Kështu, Dako, i vetmi kryebashkiak jashtë kontrollit të Rilindjes, pas 3 mandateve dhe hiper-ekspozimit negative, ra dakord me Ramën për të mos kandiduar më.

Gjithashtu ra dakord që të gjente një kandidat që do të gëzonte mbështetjen e tij, në mënyrë që maxhoranca të mos e lëshojë Durrësin.

Kështu ndriti ylli i Spartak Kovaçit, deri kur gjërat ndryshuan. U hap rruga për të fituar edhe me një kandidat që nuk e ka mbështetjen e Dakos.

Dolën 2 emra që kanë më shumë lidhje me kryetarin e Bashkisë së Tiranës se me atë të Durrësit.

Rovena Voda zëvendësministrja e Brendshme dhe Milva Ekonomi deputetja – ish ministre e Ekonomisë, ua morën postin çunave durrsakë. Rama po nxirrte nga xhepi surprizën, siç e ka zakon.

Të mësuar me binomin pushtet ekonomik- pushtet politik, Rilindja e sheh marrjen e bazës së Durrësit si shterimin e forcës së grupit rival dhe Veliaj do të siguronte trashëgiminë politike, si pasardhës i pakonkurueshëm.

Parë në këtë këndvështrim, dalja e dy emrave të tjerë, deputetes Klodiana Spahiu dhe drejtoreshës së Tatimeve, Valbona Sako, janë përpjekjet e fundit të Dakos, që të ketë në kontroll pushtetin lokal.

Durrësi kishte mbetur e vetmja bazë socialiste, i vetmi pushtet i zgjedhur i grupit ku bënin pjesë Saimir Tahiri, Ditmir Bushati, Niko Peleshi, Damian Gjiknuri dhe Blendi Klosi.

Në këtë grup, Vangjush Dako dhe Blendi Klosi janë deri në qershor dy përfaqësuesit e vetëm me pushtet të atyre që quhen “krahu socialist”.

Jo vetëm Dako, që dorëzon mandatin, por edhe Klosi u paralajmërua nga Rama në fund të dhjetorit që në qershor do të vendoset fati i tij. Ndoshta “shtërgu i fundit” i socialistëve do të fluturojë në verë dhe Rilindja do t’i ketë larë përfundimisht hesapet me ta.

Zgjedhjet e qershorit, përveçse një test për forcën e socialistëve në një garë të vetme, janë një test edhe për kampet rivale që janë gjithnjë e më prezente në PS. Aleancat janë forcuar, dhe 30 qershori po afron. Pa opozitën, kush do të fitojë, PS apo Rilindja?

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike klodiana spahiu sherr ne ps valbona sako zgjedhjet lokale 30 qershor 2019 klodiana spahiu sherr ne ps valbona sako zgjedhjet lokale 30 qershor 2019

Sondazh

Poll

MË SHUMË