GJENEVË– Një në katër gra dhe vajza në të gjithë botën janë sulmuar fizikisht ose seksualisht nga një burrë apo partner mashkull, sipas studimit më të madh deri më tani mbi dhunën ndaj grave.
Raporti, i kryer nga Orgaizata Botërore e Shëndetësisë (OBSH) dhe partnerët e Kombeve të Bashkuara(KB), zbuloi se dhuna në familje fillon herët, me një të katërtën e vajzave të moshës 15 dhe 19 vjeç, dhe grave të reja të cilat thuhet të jenë abuzuar të paktën një herë në jetën e tyre. Shkalla më e lartë u zbulua se ishte në mesin e moshës 30- 39 vjeç.
Kur përfshihen shifrat për dhunën nga jo-partnerë, OBSH-ja vlerëson se rreth një e treta e grave midis 736 milion dhe 852 milion përjetojnë një formë të dhunës seksuale ose fizike gjatë jetës së tyre.
Sipas Guardian, studimi analizoi të dhëna për jo-intime, të përcaktuara si të kryera nga një i huaj ose dikush që viktima njeh, dhe dhunën e partnerit intim që mbulon 161 vende, botuar midis 2000 dhe 2018. Nuk pasqyron ndikimin e vazhdueshëm të pandemisë Covid-19. Vitin e kaluar, KB parashikoi të paktën 15 milion ratse shtesë të dhunës në familje në të gjithë botën si rezultat i kufizimeve të koronavirusit.
Raporti i OBSH-së u përqendrua në dhunën fizike dhe seksuale, por vuri në dukje se nivelet aktuale do të ishin shumë më të larta nëse përfshiheshin lloje të tjera të abuzimit, të tilla si dhuna në internet dhe ngacmimi seksual.
Nivelet e dhunës ishin më të larta në vendet me të ardhura të ulëta dhe të mesme. Azia Jugore dhe sub-Sahariane ka pasur disa nga normat më të larta të dhunës nga një partner në mesin e grave dhe vajzave të moshës 15 deri 49 vjeç. Në pesë vende, Kiribati, Fixhi, Papua New Guinea, Bangladesh dhe Solomon Islands, më shumë se gjysma e grave kanë qenë të abuzuara nga një partner të paktën një herë.
Republika Demokratike e Kongos kishte normën më të lartë midis kësaj grupmoshe në Afrikën nën-Sahariane, me 47%, e ndjekur nga Guinea Ekuatoriale (46%), Uganda (45%) dhe Liberia (43%).
Shkalla më e ulët e dhunës u gjet në Europën Jugore dhe Lindore dhe Azinë Qendrore dhe Lindore. Në Mbretërinë e Bashkuar, 24% e të rinjve 15-49 vjeç janë abuzuar nga një partner.
“Dhuna ndaj grave është endemike në çdo vend dhe kulturë, duke shkaktuar dëm në miliona gra dhe familjet e tyre dhe është përkeqësuar nga pandemia Covid-19,”- tha Tedros Adhanom Ghebreyesus, drejtori i përgjithshëm i OBSH.
Një projekt-plan i kushtueshëm për të adresuar dhunën ndaj grave dhe vajzave, i bashkuar nga OJQ-të, zyrtarët qeveritarë dhe udhëheqësit e biznesit, do të zbulohet në të parin nga dy forumet e Barazisë së Brezit, të thirrur nga UN Women më vonë këtë muaj. Ai do të përfshijë një thirrje për një rritje prej 50% të fondeve për organizatat e të drejtave të grave për të adresuar dhunën gjatë pesë viteve të ardhshme.
(d.a/dosja.al)
1 vit nga zgjedhjet e 25 prillit si e shikoni gjendjen e vendit:
GREQI- Njerëz të të gjitha moshave, asamble të hapura të qytetarëve dhe kolektivë të tjerë u mblodhën në sheshin Nea Smyrni të Martën pasdite për të protestuar ...
KINË- Kina ka nisur zyrtarisht sot shpërndarjen e passaportave të vaksinimit. Aljazzera shkruan se passaportat po u jepen njerëzve që udhëtojnë ndërkomëtar...
SPANJË-Parlamenti Evropian ka votuar për heqjen e imunitetit të ish presidentit katalanas Carles Puigdemond dhe dy ministrave të tij, duke i çuar at...
MESDHE- Dy anije janë mbytur ditën e sotme në detin Mesdhe. Reuters shkruan se nga mbytjet e anijeve 39 persona kanë humbur jetën, ndërsa deri tani janë shpëtua...
SERBI– Presidenti serb Aleksandër Vuçiç tha të Dielën se vendi i tij nuk do të kishte suksesin ekonomik që ka pa Gjermaninë dhe se pa mbështetjen ...
TURQI- Presidenti turk, Rexhep Erdogan pati një bisedë telefonike me Kryeministrin britanik, Boris Johnson. Hurriyet shkruan se tema e bisedës mes dy udhëheqsav...
BRUKSEL– Presidenti i Këshillit Evropian ka paralajmëruar se BE-ja nuk duhet ta lejojë veten të mashtrohet nga regjimet me vlera më pak të dëshirueshme se tonat...
RUSI– Rusia ka mohuar pretendimet e Uashingtonit se po drejtonte një fushatë dezinformimi kundër vaksinave të koronavirusit të bëra nga SHBA-ja për të rritur sh...
UKRAINË-Ukraina ka miratuar vaksinën Sinovac, ka thënë Ministria e Shëndetësisë e vendit. Kompania farmaceutike ukrainase Lekhim, një nga partnerët e Sinov...