TIRANË– Kuvendi i Shqipërisë ka rrëzuar me 84 vota dekretin e presidentit Ilir Meta për koncesionin e aeroportit të Rinasit. Me shumicë vote, deputetët kanë vendosur që të rrëzojnë dekretin e Metës, ndërkohë që gjatë seancës së sotme nuk kanë munguar as debatet. Po ashtu janë miratuar 4 projektligjet dhe 3 projektvendime.
Fillimisht kryeparlamentari Gramoz Ruçi u përplas me deputetin Kostaq Papa, i cili kërkoi që të gjenin një zgjidhje për kartat e skaduara të identitetit, ndërsa më pas përplasje pati mes Artur Roshit dhe ministres së Kulturës, Elva Margariti. Roshi risolli edhe njëherë debatin për censurimin e filmave të prodhuar gjatë regjimit komunist, ndërsa ministrja iu kundërpërgjigj se vlerësuesi i tyre do të ishte vetëm publiku.
Por më pas, kryetari i Partisë Konservatore, Kujtim Gjuzi zbuti ‘gjakrat’ me maxhorancën, duke uruar koleget për festën e 8 marsit. Ai kishte përgatitur një dhuratë të veçantë për ministren e Bujqësisë, Milva Ekonomi. Gjuzi, i dhuroi Ekonomit, një trëndafil të verdhë. Megjithatë paqja për të nuk zgjati shumë pasi edhe vetë ai shkëmbeu batuta me zv.kryeparlamentaren Vasilika Hysi, të cilës i kujtoi faktin që nuk do të ishte pjesë e listave të Partisë Socialiste për zgjedhjet e 25 prillit.
Debati më pas kaloi tek çështja e radhës në rendin e ditës, ishte Vettingu në Polici. Deputetja e PS-së, Ermonela Felaj e cilësoi si dështim, duke shpjeguar se ndryshimet në ligj duheshin edhe për të përshpjetuar procesin. Pas saj, ministrja e Infrastrukturës dhe Energjitikës, Belinda Balluku adresoi pretendimet e presidentit Ilir Meta lidhur me kohën e negocimit, duke hedhur poshtë akuzat për ndryshim të aksionerit. Po ashtu gjatë seancës së sotme, u mësua edhe një largim nga salla e Kuvendit. Ralf Gjoni deklaroi para të gjithë kolegëve se nuk do të kandidonte për një mandat tjetër në Parlament, duke ‘shfryrë’ edhe njëherë ndaj partive të mëdha politike.
(k.m/A.B)/Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Ekonomisti Pano Soko, i cili do të kryesojë listën e Nismës Thurje në qarkun e Tiranës, ka përllogaritur minimumin jetik që i duhet një qytet...
TIRANË– Ambasadorja amerikane Yuri Kim ka lëshuar një mesazh të fortë kur vetëm pak orë na ndajnë nga dorëzimi i listave të kandidatëve për deputetë në Kom...
TIRANË– Kryetari i Partisë Demokratike, Lulzim Basha ka postuar një video me mesazh për të gjithë mësuesit, ditën e festës së tyre. Në tekstin e videos, Ba...
RROGOZHINË– Kryetari i Bashkisë së Tiranës, Erion Veliaj ishte sot në Rrogozhinë, ku edhe zhvilloi një takim me qytetarët, kur vetëm pak ditë na ndaj...
KAMËZ– Drejtuesi politik i Partisë Demokratike në Kamëz, Flamur Noka në takimin me mësues dhe përfaqësues të arsimit diskutoi rreth çështjeve dhe p...
TIRANË– Kryeministri i vendit dhe njëkohësisht kryetari i Partisë Socialiste, Edi Rama i ka propozuar Alfred Pezës që të përfshihet në listën e deputetëve ...
TIRANË– Kryeministri Edi Rama ka përgënjeshtruar lajmin se ka dhënë një intervistë për portalin “Bota Sot.info“. Me anë të një postimi në Twitter, Rama shk...
TIRANË- Pas 2 viteve larg politikës, ish-ministri i drejtësisë, Eduard Halimi është rikthyer në Partinë Demokratike. Në një prononcim për mediat Halimi, ka...
TIRANE– Të hënën në orën 24: 00 përfundon afati ligjor për dorëzimin e listave të kandidatëve për zgjedhjet e 25 prillit. Janë pak më shumë se 24 orë ankt...