Aktualitet

Iu gjetën mbi 500 mln lekë cash dhe akuzohej për korrupsion, Apeli i GJKKO-së liron mjekun Edvin Prifti, lihet në fuqi pezu

2 Mars 2021, 15:04 Nga DOSJA
Iu gjetën mbi 500 mln lekë cash dhe akuzohej për korrupsion,

TIRANË– Kardio-kirurgu Edvin Prifti është liruar nga qelia, pak më shumë se dy javë pas arrestimit të tij të bujshëm. Dosja.al ka mësuar se Apeli i GjKKO-së ka ndryshuar masën e sigurisë nga “arrest me burg” në “detyrim paraqitjeje” për Priftin, duke lënë në fuqi edhe atë të pezullimit nga detyra. Mjeku Edvin Prifti u la në burg më 13 shkurt, pasi Prokuroria e akuzoi për korrupsion dhe pastrim parash.

Emri i tij doli nga përgjimet që po kryheshin në Gjykatën e Krujës, në kuadër të një operacioni që vuri në pranga 9 persona, mes tyre edhe gjyqtaren Enkelejda Hoxha. Në përgjime rezultoi se mjeku Prifti mori ryshfet nga sekretarja e Gjykatës së Krujës, Manuela Mallakuçi për t’i operuar nënën e sëmurë nga zemra. 

Kontrollet në banesën e mjekut zbuluan se ai kishte 250 mijë euro cash dhe 160 milionë lekë të vjetra. 50 mijë euro të tjera dhe 3 mln lekë iu gjetën në zyrë, para për të cilat avokatët pretenduan se ishin në çantën e Priftit, gati për t’i dërguar në bankë. 

Mjekut në banesë i është gjetur një bllok, ku shkruante emrat e pacientëve dhe paratë që kishte marrë prej tyre. Në këtë bllok varionin shuma të shënuara që shkonin nga 1 mijë deri në 10 mijë, por nuk dihet ende nëse bëhej fjalë për lekë apo euro. Hetuesit sekuestruan edhe kartelat mjekësore për të nisur verifikimet, por sot mjeku u la i lirë.

(f.m/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet arrestohet edvin prifti edvin prifti lirohet edvin prifti arrestohet edvin prifti edvin prifti lirohet edvin prifti

Sondazh

Poll