Sport

Konsel: “Unë isha si Nojer, por njëzet vjet më parë. E kam Romën në zemrën time, Ronaldo, më i vështiri nga të gjith

20 Shkurt 2021, 06:52 Nga DOSJA

AUSTRI – Pritje, buzëqeshje dhe vazo të thyera… Mikael Konsel e filloi futbollin në kopshtin e shtëpisë së tij, i rrethuar nga malet: vëllai i tij gjuante, ai hidhej për të kapur topin. Një portier dhe novator i lindur nga natyra, Konsel te Rapid Vienna, shpiku një mënyrë të re qëndrimi në portë, e njëjtë me atë që bëri të famshëm Manuel Nojer.

Në 1997, Mikael prishi sigurinë e tij te Vjena, duke preferuar bastin te Roma, pas marrëveshjes me Zeman. Te Venecia me Spaletin ai i dha lamtumirën futbollit të luajtur, për të shkuar drejt maleve të Austrisë. Këtu, sot Konsel jeton, vrapon, udhëton, dhe shkruan për futbollin…

Mikael, ju jeni gazetar sot: si e filluat? Si lindi kjo ide?

Unë kisha bërë diçka për televizionin tonë, edhe kur isha duke luajtur. Pasi lashë futbollin, fillova si specialist për “Sky Austria”. E bëra këtë punë për gati dhjetë vjet. Tani punoj me gazetën “Kronen Zeitung”, më e rëndësishmja në vendin tone. Unë shkruaj dhe flas për portierët. Jam specialist, e komentoj futbollin me sytë e një ish-lojtari. Unë gjithashtu punoj në “Kronen TV”, kanali i ri televiziv i hapur nga gazeta. Më pëlqen kjo punë, sepse më ka lejuar të qëndroj brenda futbollit, ambientit në të cilin kam lindur dhe ka qenë jeta ime.

Si filluat të luanit futboll?

E fillova me Kristian, një nga tre vëllezërit e mi, ai është dy vjet më i madh se unë. Ne kemi luajtur shumë së bashku në shtëpi dhe në kopsht. Ne përdorëm topa të vegjël dhe të mëdhenj, çdo gjë. Ne ndërtuam një portë: vëllai im gjuante, unë prisja. Ne thyem thuajse gjithçka në shtëpi, kështu që prindërit tanë vendosën të na dërgojnë për të luajtur në një ekip të vogël.

Cili ishte momenti juaj më i mirë me Rapid Viena?

Mbaj mend shumë. Gjithsesi, unë jam lojtari i vetëm që kam luajtur dy finale me Rapid në Kupën e Fituesve të Kupave: e para kundër Everton, e dyta me PSG. Fatkeqësisht i kemi humbur të dyja, por duke i luajtur ato ishte një gjë e paharrueshme.

Ju keni arritur te Roma më ’97, si ishte ambientimi me futbollin italian?

Në fillim ishte pak i vështirë, sepse futbolli austriak nuk është i njohur mirë në Itali. Zeman më kishte zgjedhur, sepse unë luaja futboll modern midis portës, si Nojer sot.  Unë fillova të luaja ashtu që në vitet ’90. Më pëlqente futbolli i Zemanit, isha pothuajse mbrojtës në atë rreshtim 4-3-3. Unë isha i zoti të luaja me këmbë, sepse isha i ri dhe lojtari i momenti në skuadër

Në atë Romë kishte kaq shumë kampionë: kë kujtoni?

Zeman kishte ndërtuar një ekip të bukur me lojtarë të shkëlqyeshëm: Aldair, Kafu, Kandela, Di Françesko, Delvekio, Toti. Françesko ishte shumë i ri dhe ishte kapiten. Nuk është e lehtë ta sjellësh atë brez tani te Roma dhe në Itali. Unë kam luajtur lojëra të mira dhe të gjithë e kuptuan se kush ishte Konsel. Kam kaluar shumë mirë me tifozët e Romës. Sot, përmes internetit dhe mediave sociale, jam në kontakt me ta. Kam jetuar pak jashtë, por pranë fushës sportive. Ishte vendndodhja ideale. Qëndrimi në qendër ishte pak i komplikuar për ne. Duke jetuar jashtë, kishim më shumë hapësirë ​​dhe privatësi. Atëherë kujtoj detin: shkoja në Ostia, kisha shumë miq në Santa Marinella.

Ju njihni edhe një ish-trajner roman, Luçiano Spaletin: si filloi lidhja juaj me të?

Që nga ditët e Venecias, ekipi i fundit në karrierën time. Spaleti më kishte thirrur të shkoja të luaja atje. Stili i tij i lojës ishte i ngjashëm me atë të Zemanit dhe ai po kërkonte një portier modern. Ishte fundi i karrierës sime si futbollist. Te Roma, ai gjithashtu bëri një skuadër të bukur me skemën 4-3-3. Ekziston ende një marrëdhënie e mirë mes nesh.

A ka mbetur në zemrën tuaj Seria A?

Nuk i kam harruar ndeshjet kundër Lacios, ato me Juven. Stadiumi “Olimpik” ishte i mbushur plot, “Curva Sud” ishte fantastike. Disa lojtarë kanë frikë nga ato situata, por mua më pëlqente të luaja lojëra të rëndësishme. Unë gjithashtu, e kujtoj atë me Rapid në Champions League. Unë kam lindur për të luajtur sfida të mëdha. Isha i gatshëm për ndeshjet më të rëndësishme.

Kush ishte kundërshtari më i fortë që takuat?

Kam luajtur në një kohë kur kishte lojtarë të shkëlqyeshëm. Si portier ishte shumë e vështirë të luaja kundër Ronaldos, “Fenomenit”, jo këtij të sotëm. Sfida ndaj tij ishte e vështirë. Por edhe përballja me Del Pieron nuk ishte e lehtë. Më kujtohet Inzagi, u kënaqa kundër tij. Ai arriti të shënonte asnjëherë ndaj meje.

Çfarë kujtoni nga ndeshja Austri-Itali, në Francë ’98?

Ishte ndeshja e fundit e grupit. Për mua ishte e çuditshme të luaja kundër Totit dhe kundër shumë miqve, por ishte një gjë e bukur. Nuk e harroj festën time të lamtumirës nga futbolli në Vjenë. E gjithë skuadra e Romës kishte ardhur, disa nga lojtarët edhe me avionët e tyre privat. Antonelo Venditti ishte gjithashtu atje. Unë nuk dija asgjë për këtë, ishte një surprizë nga gruaja ime. Ne kënduam këngën e tij më të famshme “Grazie Roma” në Austri. Ai gjithashtu këndoi “Faleminderit Miki” për mua. E dëgjoj Venditin.

Cilat janë hobet tuaja sot?

Unë jam akoma shumë sportiv. Bëj biçikletë malore dhe ski. I dua malet. Kam një shtëpi afër shpatit Saalbach në Salzburg, ku është caktuar një garë për Kampionatit Botëror të Skive Alpine. Unë jetoj jashtë Vjenës, pak a shumë si në Romë, por për 20 minuta jam në qendër të gjithçkaje.

B.T (Dosja.al)

1 vit nga zgjedhjet e 25 prillit si e shikoni gjendjen e vendit:

View Results

sport sport mikael konsel portieri austriak portieri i kombetares austriake portieri i romes mikael konsel portieri austriak portieri i kombetares austriake portieri i romes

Sondazh

Poll

Sport 19 Shkurt 2021, 21:05

Ministrja franceze ka një mesazh për Mbape

FRANCE – Rinovimi i kontratës së Kilian Mbapes me Paris Saint-Germain po shndërrohet në çështje kombëtare në Francë. Këtë here ka qenë vetë ministr...

Sport 19 Shkurt 2021, 20:03

SERBI-Zlatan Ibrahimoviç nuk u preferua nga ana e trajnerit Pioli që të aktivizohej në përballjen kundër Crevena Zvezdës.Për këtë arsye Ibrahimoviç...

Sport 19 Shkurt 2021, 17:16

“Çmendet” Çelsi, 90 mln. euro për Haland

ANGLI – Erlind Haland është emri më i lakuar këto ditë, sidomos pas formës shumët ë mirë që po kalon sulmuesi i Borusias, gjë që e tregoi edhe në ndeshjen e mes...

MË SHUMË