Bota

Bilanci i COVID në botë/ Gati 110 milion të infektuar dhe mbi 2.4 milion të vdekur, Koreja e Jugut ndjek shembullin e vendev

15 Shkurt 2021, 08:15 Nga DOSJA
Bilanci i COVID në botë/ Gati 110 milion të infektuar dhe mbi 2.4

BOTË– Shifra e të infektuarve me Covid-19 në gjithë botën ka shkuar mbi 109 milionë, ndërsa 2,411,745 njerëz kanë ndërruar jetë.

Shtetet e Bashkuara, janë vendi me numrin më ta lartë të infektimeve, ku gjatë orëve të fundit janë shënuar mbi 85,070 persona, duke e çuar shifrën ne total 28,261,470 milionë. Ndërkohë që kanë ndërruar jetë m, Sbi 1,497 pacientë dhe shifra në total është 497,174 pacientë.

Në Evropë gjendja paraqitet problematike, ku disa vende ende janë në izolim dhe disa të tjera kanë shtyrë masat parandaluese.

Franca renditet e gjashta, për sa i përket numrit të lartë të infektime. Gjithashtu, numri i pacientëve në spital me Covdid-19 në Francë është në nivelin më të lartë që nga nëntori. Gjatë orëve të fundit kanë rezultuar pozitiv 53,013 njerëz, duke e çuar numrin në total 3,465,163 persona, ndërkohë që kanë ndërruar jetë mbi 1,252 persona dhe numri në total është 81,814.

Në Gjermani numri i rasteve të konfirmuara pozitiv gjatë orëve të fundit është mbi 27,894 njerëz, duke e çuar shifrën në total 2,341,701 mijë persona. Ndërkohë që kanë ndërruar jetën mbi 781 njerëz dhe numri në total është 65,566.

Mbërrijnë dozat e para të vaksinave të Pfizer në Australi, ku pritet që proçesi i vaksinimit të fillojë javën e ardhshme. “Shqiponja është ulur”,– u tha Ministri i Shëndetësisë Greg Hunt gazetarëve të Hënën në Canberra. Më shumë se 142,000 doza janë duke u dërguar në një vend të sigurt dhe do të vlerësohen për dëmtimin dhe cilësinë në ditët në vijim.

Njerëzit e moshës 65 vjeç e lart në Korenë e Jugut nuk do të marrin vaksinën e koronavirusit Oxford/AstraZeneca, ka thënë agjencia e kontrollit dhe parandalimit të sëmundjeve Koreane. Njoftimi anulon një vendim të mëparshëm dhe erdhi ndërsa KDCA zvogëloi objektivat në programin e saj të vaksinimit si rezultat i një vonese në dërgesat nga skema e ndarjes së vaksinave Covax.

Kryeministrja e Zelandës së Re, Jacinda Ardern është duke mbajtur një konferencë shtypi së bashku me Dr Ashley Bloomfield, drejtore e përgjithshëm e shëndetësisë, pas një takimi të kabinetit qeveritar. Dozat e para të vaksinës kanë mbërritur në vend sot në mëngjes. Pasi të kontrollohen për sigurimin e cilësisë, vaksinimi do të fillojë të Shtunën, duke filluar me punonjësit e kufirit.

Vendet afrikane mund të vuajnë nga mungesa e vaksinave sepse nuk janë në gjendje të mbledhin statistika që zbulojnë shkallën e vërtetë të përhapjes së Covid midis popullatave të tyre, frikësohen epidemiologët dhe ekspertë të tjerë.

Hetuesit nga Organizata Botërore e Shëndetësisë (OBSH) duke parë origjinën e koronavirusit në Kinë kanë zbuluar shenja që shpërthimi ishte shumë më i gjerë në Wuhan në Dhjetor 2019 sesa mendohej më parë, dhe kërkojnë urgjentisht qasje në qindra mijëra mostra të gjakut nga qyteti që Kina deri më tani nuk i ka lënë të shqyrtojnë.

Sipas të dhënave nga Universiteti Hopkins, ka pasur 3.7 milion raste të konfirmuara në Afrikë dhe shifra historike e 100,000 vdekjeve të konfirmuara ka të ngjarë të arrihet brenda ditësh. Një seri studimesh kanë ngritur frikën se shifrat zyrtare janë një nënvlerësim i rëndësishëm, duke rritur mundësinë që Afrika të mos shihet si një përparësi për furnizimet e vaksinave globale të pakta, pavarësisht nga nevoja urgjente.

(d.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota koronavirusi ne bote vaksinimi ne bote koronavirusi ne bote vaksinimi ne bote

Sondazh

Poll

MË SHUMË