TIRANË– Ish-kryeministri Fatos Nano ka treguar se çfarë e bëri të mos bashkohej me Partinë Demokratike. Në një rrëfim të rralë në “Opinion”, Nano tha se qëndroi në Partinë Socialiste edhe pse vetë ishte njeri liberal që nuk ishte dakord me ideologjinë e Partisë së Punës.
Nano shtoi se Lëvizja e studentëve ishte e vërtetë, e virgjër dhe jo shumë e koklavitur, deri në momentin që u afruan intelektualë të tjerë apo interesa. Për këtë arsye, Nano u distancua dhe vendosi të bashkohej me PS-në.
Pjesë nga biseda:
Blendi Fevziu: Jemi në fund të vitit 1990, kur ju i takonit grupit liberal. Edhe në Tiranën e kohës konsideroheshit si një nga ekonomistët liberalë por edhe personat liberalë. Përse nuk u anëtarësuat në PD por mbetët në Partinë e Punës? Dhe si e kujton lëvizjen e studentëve?
Fatos Nano: Lëvizja e studentëve ishte e vërtetë. Ishte e virgjër, ishte jo shumë e koklavitur. Ishte pasqyrë e ndjenjave të moshës, e vrullit të moshës dhe kërkesave të atij brezi. Sapo filluan të afrohen intelektualë apo interesa të tjera, ajo pushoi së qeni kaq e pastër. Dhe veçanërisht qysh në tribunën e fjalimeve të para të ditës së shpalljes së Partisë Demokratike, u pa që do kishte shumë ujë për rrjedhur. U pa që uji filloi të trazohet. Vendimi im për të ms kaluar me PD-në erdhi në mënyrë racionale dhe graduale sepse në një kohë që të gjithë po turreshin për të kaluar me PD-në, atëherë unë mendova këtu do bëhet një monizëm i ri. Dhe vendosa në mënyrë të ndërgjegjshme të qëndroj majtas për të balancuar situatën. Natyrisht nuk do të qëndroja vetëm, do të bashkohesha me të tjerë intelektualë të majtë, dhe këtë bëmë, balancuam situatën aq sa 4 muaj pas zgjedhjeve të ’92 fituam zgjedhjet vendore.
Blendi Fevziu: Në kohën që ju mbetet në Partinë e Punës dhe filluat të evidentoheshit si një nga të rinjtë me perspektivë dhe natyrisht me formim krejt ndryshe, si ishte raporti juaj me klasën drejtuese që kishte qenë 40 vjet në pushtet? Pra me ata që quheshin komunistët e vjetër? Funksiononte? Kuptonin gjë çfarë po ndodhte?
Fatos Nano: Pjesa mbushje topi që ishin shumica e Byrosë Politike, që kishin ardhur vitet e fundit nga arat, nga kantieret, nuk është se kishin shumë pretendime. Pra nuk shikonin rreth e rrotull, ishin të mbyllur me njëri-tjetrin, nuk i përfillnin studiuesit apo shkencëtarët dhe nuk ta varnin shumë. Ky ishte një avantazh. Në kohën që ata nuk vinin fare në bibliotekë, ti mund të shkoje dhe kishe gjithë kohën për vete dhe të gërrmoje në ca libra që s’i prekte njeri me dorë. Dhe kishte atëherë në biblioteka ca gjëra të tilla. Pra, nuk ta uzurponin kohën e vlefshme të studimit. Ndërkaq, kur ne filluam të shfaqemi, sepse unë 3 vitet e fundit para pluralizimit, nisa një tur bisedash nëpër gjithë Shqipërinë me intelektualë, me kuadro. Doli nami dhe pastaj filluan të më thërrisnin mua. Shkoja pothuajse çdo dy javë dhe flisja siç kam folur me studentët e mi. Shtroja pyetje provokuese, kërkoja përgjigje nga salla, shikoja që salla ishte gati për përgjigjen që doja unë dhe e jepja atë përgjigje. Opinioni po mbartesh. Opinioni priste, opinioni ishte kurioz se kush po thotë ndonjë gjë dhe ç’janë këta të rinj që po thonë ca gjëra. Dhe kjo më çoi mua në dënimin që u bëra kryetar i Partisë Socialiste.
Blendi Fevziu: Ishte presioni nga poshtë që e solli?
Fatos Nano: Ishte presioni nga poshtë. Pra unë u bëra i njohur me këto ture.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Ish-kryeministri Fatos Nano ka folur për marrëdhënien e tij me Sali Berishën. Në një intervistë për ‘Opinion”, Nano tha se në vitin 200...
TIRANË- Kryetarja e Partisë Lëvizja Socialiste për Integrim Monika Kryemadhi, mbrëmjen e sotme ka takuar gruan e Kryedemokratit Lulzim Basha.Siç shi...
TIRANË– Studimi i MRB dhe Euronews Albania ofroi një panoramë interesante lidhur dhe me variacionin e besimit tek institucionet në vend, me fokus të ...
TIRANË– Kryetarja e Partisë Socialiste, Monika Kryemadhi, mbrëmjen e sotme ka thënë se koalicioni i opozitës së bashkuar ekziston dhe futja me lista ...
TIRANË- Shqiptarët besojnë më shumë në komunitetin ndërkombëtar, zbuloi sondazhi i dytë i Barometrit Politik në Euronews Albania me kompaninë prestigjioze ...
TIRANË– Kryetarja e Partisë Lëvizja Socialiste për Integrim, Monika Kryemadhi, ka thënë se së bashku me PD-në do të shkojnë në zgjedhje, si një kooli...
Pjesë nga intervistaFevziu: Raporti juaj në 30 vite ka qenë me ulje ngritje, përplasje por edhe keni bashkëpunuar, si do ta përkufizonit si politikan Sali Beris...
TIRANË– Para rënies së regjimit komunist, Fatos Nano punonte në koperativën bujqësore në Surrel, në periferi të Tiranës. Mirëpo brenda tij ekzistonin pakën...
TIRANË– Për herë të parë pas 10 vitesh në ekran, ish-Kryeministri Fatos Nano ka folur në emisionin Opinion në Tv Klan përballë gazetarit Blendi Fevziu në n...
TIRANË– Ish-kryeministri Fatos Nano ka rrëfyer se zyra në Kryeministri mban goxha vetmi. Në një rrëfim të rralë në “Opinion”, Nano u pyet për fjalën ...