Bota

Studimi/ Faktori më i madh i shkallës së lartë të vdekjeve nga COVID janë udhëtimet

4 Shkurt 2021, 10:51 Nga DOSJA
Studimi/ Faktori më i madh i shkallës së lartë të

BRITANI– Kufizimet e hershme në udhëtimet ndërkombëtare mund të kenë bërë një ndryshim në përhapjen e pandemisë në Evropën Perëndimore, duke përfshirë Mbretërinë e Bashkuar, ka gjetur një studim i ri, raporton The Guardian.

Kufizimet në udhëtimet ndërkombëtare kishin ndikimin më të madh në normat e vdekjeve, sipas një studimi nga Universiteti i Aberdeen.

Ai krahasoi 37 vendet më të prekura nga vala e parë e pandemisë dhe shikoi në një varg faktorësh që mund të kishin ndikuar në transmetimin duke përfshirë ardhjet ndërkombëtare, dendësinë e popullsisë, përqindjen e njerëzve që jetojnë në zona urbane, moshën, indeksin mesatar të masës trupore dhe prevalenca e pirjes së duhanit. Ata zbuluan se një milion mbërritje ndërkombëtare ishte e shoqëruar me një rritje prej 3.4% të vdekjeve nga Covid-19 gjatë valës së parë të pandemisë.

”Vlerësimi ynë i të dhënave në dispozicion tregon se kufizimet shumë të hershme në udhëtimet ndërkombëtare mund të kenë bërë një ndryshim në përhapjen e pandemisë në Evropën Perëndimore, duke përfshirë Mbretërinë e Bashkuar.”- thotë studimi.

Kjo vjen ndërsa qeveria e Mbretërisë së Bashkuar përballet me kritika për vonesat në zbatimin e planeve për karantinën e mbërritjeve ndërkombëtare. Kreu i një prej zinxhirëve më të mëdhenj të hoteleve në aeroportin e Mbretërisë së Bashkuar, Best Western, tha se kompania e tij ishte “mbajtur në errësirë” për planin e qeverisë për karantinën e mbërritjeve ndërkombëtare.

Shefi ekzekutiv Rob Paterson, tha se zinxhiri kishte bërë oferta të shumta për të ndihmuar në planet e izolimit, njoftuar së pari nga ministrat në mes të Janarit, por thjesht nuk është dëgjuar asgjë.

(d.a/dosja.al)

1 vit nga zgjedhjet e 25 prillit si e shikoni gjendjen e vendit:

View Results

bota bota koronavirusi në britaninë e madhe koronavirusi në britaninë e madhe

Sondazh

Poll

MË SHUMË